বলিউদৰ মেগাষ্টাৰ অমিতাভ বচ্চনৰ প্ৰাক্তন দেহৰক্ষীক নিলম্বন কৰা হৈছে৷ জীতেন্দ্ৰ সিন্ধে নামৰ হেড কনিষ্টবল গৰাকীক মংগলবাৰে নিলম্বন কৰিছে মুম্বাই আৰক্ষীয়ে৷
অসামঞ্জ্য বাৰ্ষিক আয়ৰ বাবে জীতেন্দ্ৰ সিন্ধে নামৰ কনিষ্টবলগৰাকীক যোৱা বৰ্ষৰ আগষ্ট মাহত ডিবি মাৰ্গ আৰক্ষী থানালৈ বদলি কৰা হৈছিল৷
তেওঁৰ বিৰুদ্ধে এই গুৰুতৰ অভিযোগ উত্থাপনৰ পিছতে আৰক্ষীয়ে তদন্ত আৰম্ভ কৰে৷ আৰক্ষীৰ এই হেড কনিষ্টবল গৰাকীৰ বিৰুদ্ধে বাৰ্ষিক ১.৫ লাখ টকা উপাৰ্জনৰ গুৰুতৰ অভিযোগ উত্থাপন হৈছিল৷
২০১৫ চনৰ পৰা মেগাষ্টাৰ অমিতাভ বচ্চনৰ দেহৰক্ষী হিচাপে নিয়োজিত হৈ থকা সিদ্ধেক তিনিটা গ্ৰাউণ্ডত নিলম্বন কৰাৰ বুলি জানব পৰা গৈছে৷
সূত্ৰৰ মতে অভিযুক্ত সিন্ধেই ১.৫ কোটি টকাৰ বাৰ্ষিক উপাৰ্জনৰ কোনো বৈধ উৎস প্ৰদৰ্শন কৰিব পৰা নাই৷ তেওঁ বিভাগীয় অনুমতি অবিহনে ডুবাইসহ বহুবাৰ বিদেশ ভ্ৰমণো কৰিছে৷ আৰু মুম্বাইৰ বিভিন্ন স্থানত কে’বাটাও বিলাসী আট্টালিকসহ বহু সম্পত্তি আহৰণ কৰিছে সিন্ধেই৷ এই তিনিটা কাৰণে হেড কনিষ্টবল সিন্ধেক নিলম্বন কৰা হৈছে৷
আৰক্ষী সূত্ৰই প্ৰকাশ কৰা অনুসৰি আৰক্ষীৰ তদন্তত সিন্ধে আৰু তেওঁৰ পত্নীয়ে বিভিন্ন এজেঞ্চিৰ জৰিয়তে অমিতাভ বচ্চনসহ বলিউদৰ তাৰকাসকলক প্ৰদান কৰা নিৰাপত্তা বাবদ বাৰ্ষিক ১.৫ কোটি টকা উপাৰ্জন কৰা বুলি দেখুওৱাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
