অনন্ত-ৰাধিকাৰ বিয়াত সহশ্ৰজনৰ পুনৰ এবাৰ হৃদয় কাঢ়িলে শ্বাহৰুখে, কৰিলে এই কাম…
শুকুৰবাৰে ১২ জুলাই নিশা অনন্ত আম্বানী আৰু ৰাধিকা মাৰ্চেণ্ট বিবাহ পাশত আৱদ্ধ হয়। গুজৰাটী ৰীতি-নীতি অনুসৰি মুম্বাইত বিবাহপাশত আৱদ্ধ হয় দম্পতীহালে। ‘লগ্না বিধি’ অনুষ্ঠানত চলচ্চিত্ৰ জগতৰ তাৰকাসকলৰ লগতে বহু ৰাষ্ট্ৰীয় আৰু আন্তঃৰাষ্ট্ৰীয় চেলিব্ৰিটিও অংশগ্ৰহণ কৰে।
জন চিনাৰ পৰা আৰম্ভ কৰি কিম কাৰ্দাছিয়ানলৈকে বহু বিখ্যাত তাৰকাই বিবাহ অনুষ্ঠানটোক আৰু অধিক বিশেষ কৰি তুলিছিল। ৰজনীকান্তৰ পৰা অমিতাভ বচ্চন, শ্বাহৰুখ খান, ছলমান খান, শচীন তেণ্ডুলকাৰ, এম এছ ধোনীকো অনন্ত-ৰাধিকাৰ বিয়াত দেখা গৈছিল।
এই বিবাহ অনুষ্ঠানৰ বহু ফটো আৰু ভিডিঅ’ বৰ্তমানে এটা এটাকৈ ছ’চিয়েল মিডিয়াত পোহৰলৈ আহিছে। পাছে এই সকলোবোৰৰ বিপৰীতে ইয়াৰে এটা ভিডিঅ’ৰ বিষয়ে বহুত চৰ্চিত হৈছে। সেই বিশেষ ভিডিঅটো শ্বাহৰুখ খানৰ। ভিডিঅ’টোত স্বাহৰুখে আন অতিথিসকলক উষ্ম সম্ভাষণ জনোৱা দেখা যায়।
ভিডিঅ’টোত বাদশ্বাহ খানে ৰজনীকান্ত আৰু তেওঁৰ পত্নীক সম্ভাষণ জনোৱা দেখা গৈছে। লগতে শ্বাহৰুখ খানক আদিত্য থাকৰে আৰু শচীন তেণ্ডুলকাৰৰ সৈতেও হাত মিলাই থকা দেখা যায়।
একে সময়তে অমিতাভ বচ্চনক দেখাৰ লগে লগে তেওঁৰ ভৰি চুই সেৱা কৰে। লগতে জয়া বচ্চনৰো ভৰি চুই আশীস লয়। ছচিয়েল মিডিয়াত ক্ৰমাৎ ভাইৰেল হৈ পৰিছে অভিনেতা গৰাকীৰ এই ভিডিঅ’টো। এই ভিডিঅ’টো দেখি মানুহে শ্বাহৰুখ খানৰ বহুত প্ৰশংসা কৰিছে। এজন ব্যৱহাৰকাৰীয়ে লিখিছে, “ভাৰতৰ আটাইতকৈ নম্ৰ ব্যক্তি।” আন এজন ব্যক্তিয়ে লিখিছে, “এছ আৰ কে হৃদয়ৰ ৰজা।”
https://x.com/k0ol1/status/1812036470636433802
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
