অদ্ভুত যেন লাগিলেও সঁচা। জীৱ-জন্তুৱে মলদ্বাৰৰ জৰিয়তে উশাহ ল’ব পাৰে! শেহতীয়াকৈ ক্লিনিকেল এণ্ড ট্ৰেন্সলেচনেল ৰিচ’ৰ্ছ এণ্ড টেকন’লজি ইনছাইটছত প্ৰকাশিত এক অধ্যয়নত বিজ্ঞানীৰ এটা দলে এই কথা দাবী কৰিছে।
বিশেষজ্ঞসকলে কয় যে কাছৰ বিপাকীয় ক্ৰিয়া অত্যন্ত লেহেমীয়া হয়। গৱেষকসকলে কাছক অনুকৰণ কৰি গাহৰি আৰু এন্দুৰৰ ওপৰত কিছুমান বিশেষ পৰীক্ষা-নিৰীক্ষা চলাইছিল।
বিশেষজ্ঞসকলে দাবী কৰে যে কাছৰ অন্ত্ৰৰ শ্লেষ্মা আৱৰণ অত্যন্ত পাতল। ফলত অক্সিজেন সহজে অন্ত্ৰৰ কোষৰ সংস্পৰ্শলৈ আহিব পাৰে। গতিকে কাছৰ পেটৰ সেই অংশটোৰ মাজেৰেও অক্সিজেনৰ প্ৰৱাহিত হয়। আৰু সেইবাবেই কাছই মলদ্বাৰ ব্যৱহাৰ কৰি অলপ উশাহ ল’ব পাৰে।
লগতে পঢ়ক মানৱতাৰ বাবে যোগ : আজি অষ্টম আন্তঃৰাষ্ট্ৰীয় যোগ দিৱস
বিজ্ঞানীসকলে এই অধ্যয়নত জীৱ-জন্তুবোৰক মূল তিনিটা গোটত ভাগ কৰিছিল। নাকৰ মাজেৰে উশাহ লোৱাটো বন্ধ কৰি এই পৰীক্ষা কৰা হৈছিল। প্ৰথম গোটটোৰ অন্ত্ৰৰ দ্বাৰা উশাহ লোৱা নাছিল।
গড়ে অক্সিজেনৰ অভাৱত ১১ মিনিটৰ ভিতৰতে এই প্ৰাণীবোৰৰ মৃত্যু হয়। দ্বিতীয় পৰীক্ষাত অন্ত্ৰৰ মাজেৰে শ্বাস-প্ৰশ্বাস প্ৰক্ৰিয়াৰ ব্যৱস্থা কৰা হয়। দেখা গ’ল যে জীৱ-জন্তুবোৰে গড়ে প্ৰায় ১৬ মিনিট সময় জীয়াই আছিল। আৰু তৃতীয়বাৰ প্ৰতিটো প্ৰাণীৰ অন্ত্ৰৰ শ্লেষ্মা কাছৰ দৰে পাতল কৰা হয়। আৰু মলদ্বাৰৰ জৰিয়তে অক্সিজেন যোগান ধৰা হয়।
লগতে পঢ়ক নিম আৰু মিছিৰি স্বাস্থ্যৰ বাবে কিমান উপকাৰী? জানিবলৈ চাওক…
পৰীক্ষাৰ সময়ত ৮৫ শতাংশ জীৱ-জন্তু জীৱিত অৱস্থাত উদ্ধাৰ কৰা হৈছিল। এই ঘটনাৰ পৰা গৱেষকসকলে ভাবে যে অন্ত্ৰৰ নিয়ন্ত্ৰিত পৰিৱেশত যদি সঠিক প্ৰক্ৰিয়াৰে মলদ্বাৰৰ যোগেদি অক্সিজেন যোগান ধৰিব পৰা যায়, তেন্তে মল্লদ্বাৰ জৰিয়তেও শ্বাস-প্ৰশ্বাস প্ৰক্ৰিয়াটো সম্পন্ন কৰাটো সম্ভৱ।
কিন্তু এটা কথা মনত ৰখা উচিত যে বিষয়টো গৱেষণাৰ প্ৰাৰম্ভিক পৰ্যায়ত আছে। ইয়াৰ বাহিৰে এই পদ্ধতিয়ে মানুহৰ ওপৰত যে কাম কৰিব তাৰ কোনো নিশ্চয়তা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
