মিজোৰামত অপ্ৰতিৰোধ্য ZPM. পৰাস্ত খোদ মুখ্যমন্ত্ৰী জ’ৰামথংগা। মিজোৰামতো ৰাহুল গান্ধীৰ মুখথেকেচা…
অসমলাইভ২৪ঃ মিজোৰাম বিধানসভা নিৰ্বাচনৰ ভোটগণনা অব্যাহত আছে। পুৱা ৮ বজাৰ পৰা আৰম্ভ হোৱা ভোটগননা প্ৰক্ৰিয়াত বিধ্বস্ত শাসকীয় দল MNF. খোদ মিজোৰামৰ মুখ্যমন্ত্ৰী জ’ৰাম থাংগা পৰাজয় বৰণ কৰিলে এইবেলি নিৰ্বাচনত। জ’ৰামথাংগাৰ দল MNFক বিধ্বস্ত কৰি আগবাঢ়ি আছে ZPM.। মিজোৰামত লালডোহোমাই চৰকাৰ গঠন কৰাৰ কথা প্ৰায় স্পষ্ট হৈ পৰিছে। ইতিমধ্য ৰাজ্যখনৰ কেবিনেট মন্ত্ৰী লালৰুআটকিমাক হমাৰে পৰাস্ত কৰাৰ বিপৰীতে টুইচাঙত বৰ্তমানৰ উপ-মুখ্যমন্ত্ৰী টাউনলুয়াক পৰাস্ত কৰে ডব্লিউ ছুৱানাৱমাই। আঠখন আসনত জয় নিশ্চিত কৰাৰ উপৰিও আন ২০ খন আসনত আগবাঢ়ি আছে ZPM। ইয়াৰ পিছতে এম এন এফে ১১খন আসন, বিজেপিয়ে দুখন আসন, আৰু কংগ্ৰেছৰ এখন আসনত আগবাঢ়ি আছে। ১৯৮৭ চনত মিজোৰামে পূৰ্ণ ৰাজ্য লাভ কৰাৰ পিছৰে পৰা মিজোৰামৰ ৰাজনৈতিক পৰিৱেশত কংগ্ৰেছ আৰু মিজো নেচনেল ফ্ৰণ্টৰ আধিপত্য বিস্তাৰ কৰি আহিছে। ২০০৮ আৰু ২০১৩ চনত মিজোৰামত কংগ্ৰেছে জয়লাভ কৰি শাসন চলাইছিল। পিছে ২০১৮ চনত MNF পুনৰ ক্ষমতালৈ আহে। পৰৱৰ্তী সময়ত মিজোৰামত ZPMক MNFৰ মূল প্ৰত্যাহ্বানকাৰী হিচাপে দেখা গৈছে। প্ৰথম অৱস্থাত ২০১৭ চনত আঞ্চলিক দল হিচাপে আত্মপ্ৰকাশ কৰা ZPMয়ে ২০১৯ চনত ৰাজনৈতিক দল হিচাপে স্বীকৃতি লাভ কৰে। আনহাতে মণিপুৰ কাণ্ডৰ পিছতে মিজোৰাম দখলৰ বাবে উঠি পৰি লগা কংগ্ৰেছ নেতা ৰাহুল গান্ধীৰ আশাতো পৰিল চেঁচাপানী। বৰ্তমান সময়লৈকে এখন আসনো দখল কৰিব নোৱাৰা কংগ্ৰেছ দলে ছত্তিশগড়, ৰাজস্থান আৰু মধ্যপ্ৰদেশৰ লগতে মিজোৰামত উন্নত ফলাফল দেখুৱাবলৈ সক্ষম ন’হল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
