অসম লাইভ২৪ঃ ‘আমি দুটা আমাৰ দুটা।’ ভাৰতত জনসংখ্য বিস্ফোৰণৰ প্ৰতি লক্ষ্য ৰাখি পৰিয়াল পৰিকল্পনাত বহু বছৰ ধৰি এই ধাৰণা প্ৰচলিত হৈ আহিছে। চৰকাৰে বাৰে বাৰে দেশবাসীক অনুৰোধ জনাই আহিছে যে দুটাতকৈ অধিক সন্তান জন্ম নিদিয়ে। কিয়নো জনসংখ্যা বিস্ফোৰণে দেশৰ বাবে কঢ়িয়াই আনিব পাৰে ভয়াৱহ সংকট। ভাৰতৰ সামন্তৰালকৈ বিশ্বৰ বহুকেইখন দেশে জনসংখ্যা নিয়ন্ত্ৰনৰ ওপৰত গুৰুত্ব প্ৰদান কৰিছে। কিন্তু ইয়াৰ মাজতে ৰাছিয়াৰ ৰাষ্ট্ৰপতি পুটিনে লৈছে এক বিশেষ পদক্ষেপ। দেশখনত চৰকাৰে লৈছে এক বৃহত সিদ্ধান্ত। ৰাছিয়ান মহিলাসকললৈ ৰাষ্ট্ৰপতি পুটিনৰ বিশেষ নিৰ্দেশ। দেশখনত প্ৰতিগৰাকী মহিলাই জন্ম দিব লাগিব কমেও আঠটাকৈ সন্তান। লগতে পুটিনে কয় যে তেওঁ বৃহৎ সংখ্যক সন্তান জন্ম দিয়াটো প্ৰতিটো পৰিয়ালৰ বাবে স্বাভাৱিক অভ্যাস হিচাপে গঢ়ি তুলিব বিচাৰে।
বৰ্তমানেও অব্যাহত আছে ৰাছিয়া-ইউক্ৰেইনৰ যুদ্ধ। এই যুদ্ধত ইতিমধ্যে লাখ লাখ লোকে প্ৰাণ হেৰুৱাইছে। বহুতেই দেশ এৰি পলায়ন কৰিছে। ইয়াৰ বাবে এতিয়া দেশখনৰ জনসংখ্যা হ্ৰাস পোৱাৰ আশংকা প্ৰকট হৈছে । জনসংখ্যা হ্ৰাস পোৱাৰ লগে লগে ৰাছিয়াত সক্ৰিয় শ্ৰমিকৰ সংখ্যাও হ্ৰাস পাইছে। যিয়ে দেশখনৰ ঘৰুৱা উৎপাদনত প্ৰভাৱ পেলাইছে। অৰ্থনীতি লেহেমীয়া আৰু মন্থৰ হৈ পৰিছে। যুদ্ধক লৈ পশ্চিমীয়া পশ্চিমীয়া নিষেধাজ্ঞাই পুটিনৰ দেশৰ পৰিস্থিতি অধিক ভয়াৱহ কৰি তুলিছে। সেয়েহে এতিয়া উপায়হীন পুটিনে মহিলাসকলৈ বিশেষ পুৰস্কাৰৰো ঘোষণা কৰিছে। কেইবছৰমান পূৰ্বে চীন চৰকাৰে জনসাধাৰণৰ বাবে তিনি সন্তানৰ নীতি প্ৰৱৰ্তন কৰিছিল। সাধাৰণ মানুহক কমেও তিনিটা সন্তান জন্ম দিবলৈ চৰকাৰে কৰিছিল বিশেষ আহ্বান। দক্ষিণ কোৰিয়াইও একে পথেই অনুসৰণ কৰিছে। সেই দেশৰ চৰকাৰে আৰু অধিক সন্তান জন্মৰ বাবে বঁটা ঘোষণা কৰিছে। সাধাৰণ মানুহক সন্তান জন্ম দিবলৈ উৎসাহিত কৰা হয়। জাপান চৰকাৰেও দেশত জন্মৰ হাৰ বৃদ্ধি কৰাৰ চেষ্টা চলাইছে। যাৰ বাবে তেওঁলোকে নাগৰিকক অতিৰিক্ত ছুটী প্ৰদান কৰিছে। মুঠতে এতিয়া অধিক সন্তান জন্ম দি দেশৰ সংকট দুৰ কৰিব বিচাৰিছে ভ্লাডিমিৰ পুটিনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
