অসম লাইভ২৪ঃ গুজৰাট নিৰ্বাচন যিমানেই কাষ চাপিছে সিমানেই মূৰৰ কামূৰণি বাঢ়িছে বিজেপি দলৰ। এইবাৰ অৰবিন্দ কেজৰিৱালো একপ্ৰকাৰে নিশ্চিত, গুজৰাটৰ গাদীত আপেই বহিব। কেৱল আপেই নিশ্চিত হৈছে এনে নহয়, গুজৰাটত বিজেপিৰ দলীয় কৰ্মকৰ্তা শংকিত হৈছে আপৰ আগ্ৰাসনত। সেয়ে আপ প্ৰধানগৰাকীলৈ বিজেপিয়ে দিছে কেইবাটাও অফাৰ। গুজৰাটত নিৰ্বচনী যুঁজ দিয়াৰ পৰা বিৰত থাকিবৰ বাবেই আগবঢ়োৱা হৈছিল অফাৰ। চুক্তিত তেওঁলোকে কৈছিল যে যদি গুজৰাটত নিৰ্বাচন নেখেলে তেন্তে মনিষ চিচোডিয়া আৰু সত্যেন্দ্ৰ জৈনৰ কোনো জেৰা নচলিব।
ৰাষ্ট্ৰীয় সংবাদমাধ্যমৰ আগত কেজৰিৱালে দিয়া এক সাক্ষাৎকাৰত কৈছিল, ‘আপ এৰি দিল্লীৰ মুখ্যমন্ত্ৰী হোৱাৰ কথা মনীষ চিছোদিয়াই ভৱা নাই বুলি জানো। এতিয়া বিজেপিয়ে আমাক প্ৰস্তাৱ দিছে গুজৰাট এৰি দিব লাগে। যদি আমি গুজৰাটৰ নিৰ্বাচনী প্ৰক্ৰিয়াত ভাগ নলও তেন্তে আমাৰ সত্যেন্দ্ৰ জৈন আৰু মনীষ চিছোদিয়াক তেওঁলোকে এৰি দিব। তেওঁলোকৰ ওপৰত লগা সকলো কেছ উঠাই ল’ব।’
কোনে দিছে এই প্ৰস্তাৱ?
কেজৰিয়ালে এই সম্পৰ্কে স্পষ্টৰূপত কয়, ‘নিজৰ মানুহৰ নামনো কেনেকৈ কও? বিজেপিয়ে সন্মুখলৈ আহি জানো কেতিয়াবা এইবোৰ প্ৰস্তাৱ দিয়ে? আমাৰ মানুহক দিয়েই কোৱাইছে। তেওঁলোকে বহুকেইজন মানুহক দি এইকথা কোৱাইছে।’ আপ প্ৰধানগৰাকীৰ দাবী, গুজৰাট বিধানসভা নিৰ্বাচন, দিল্লীৰ পৌৰসভা নিৰ্বাচন দুয়োটাক লৈয়েই বিজেপি এতিয়া চাপত আছে। ইয়াৰোপৰি পঞ্জাৱৰ দৰেই গুজৰাটো দখল কৰিব আপে। ১৮২ খন আসনৰ এখনো কংগ্ৰেছে নাপায়। গুজৰাটত এতিয়া দুই নম্বৰত আছে আপ। এমাহৰ ভিতৰতেই আপে বিজেপিক টক্কৰ দিব। ইতিমধ্যেই আপে গুজৰাটৰ মুখ্যমন্ত্ৰীৰ বাবে প্ৰাৰ্থীও চিনাক্ত কৰিছে। কেৱল চিনাক্ত কৰাই নহয় নামো ঘোষণা কৰিছে। জনপ্ৰিয় এংকৰ ইছুদান গঢ়বীয়েই শপত ল’ব গুজৰাটৰ মুখ্যমন্ত্ৰী হিচাপে বুলিও দাবী কৰিছে এতিয়া আপ প্ৰধানগৰাকীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
