জয় শ্বাহ বৰ্তমান ভাৰতীয় ক্ৰিকেট কন্ট্ৰল বৰ্ডৰ অধ্যক্ষ হৈ আছে৷ ১ ডিচেম্বৰৰ পৰা তেওঁ আন্তৰ্জাতিক ক্ৰিকেট কাউন্সিলৰ চেয়াৰমেন হ’ব৷ আইচিচিৰ চেয়াৰমেন হ’লে জয় শ্বাহে কিমান দৰমহা লাভ কৰিব এই বিষয়টো জানিবলৈ বহুতেই এতিয়া আগ্ৰহী হৈ পৰিছে৷
বিচিচিআইৰ অধ্যক্ষ হিচাপে জয় শ্বাহে নিয়মিত দৰমহা লাভ কৰা নাছিল৷ সভাপতি আৰু কোষাধ্যক্ষৰ ক্ষেত্ৰতো একেই অৱস্থা৷ তেওঁলোকৰ কোনো মাহেকীয়া বেতন নাই৷ অৱশ্যে তেওঁলোকে ভাট্টা আৰু প্ৰতিদানৰ মাধ্যমেৰে অৰ্থ লাভ কৰে৷ আন্তৰ্জাতিক ক্ৰিকেট মিটিং বা কোনো বিশেষ কামৰ বাবে বাহিৰলৈ যাবলৈ জয় শ্বাহে প্ৰতিদিনে লাভ কৰিছিল প্ৰায় ৮৪০০০ টকা৷ ভাৰতৰ ভিতৰত থকা মিটিঙৰ বাবে তেঁও প্ৰতিদিনে লাভ কৰিছিল ৪০০০০ টকা৷ বিজনেছ ক্লাছত ভ্ৰমণ কৰাৰ সুবিধা আছিল ফ্লাইটত৷ ইয়াৰোপৰি দেশ বিদেশত ফ্ৰি বিলাসী হোটেলত থকাৰ সুবিধা লাভ কৰিছিল জয় শ্বাহে৷
আইচিচিৰ চেয়াৰমেন হ’লেও প্ৰায় একেখিনি সুবিধাই পাব জয় শ্বাহে৷ বিচিচিআইৰ দৰেই আইচিচিৰ উচ্চপদস্ত কৰ্মকৰ্তাসকলৰ নিৰ্দিষ্ট কোনো দৰমহা নাই৷ পৰিবৰ্তে তেওঁলোকৰ ভূমিকাৰ সৈতে সংযুক্ত বিভিন্ন ভাট্টা আৰু সুবিধা প্ৰদান কৰা হয়৷
আইচিচিয়ে দৰমহাৰ বিষয়টো আজিলৈকে খোলোচা কৰা নাই৷ চেয়াৰমেনৰ দৰে কৰ্মকৰ্তাসকলে মিটিং আৰু অন্যান্য দায়িত্বত যোগদানৰ বাবে ভাট্টা লাভ কৰে৷ ইয়াৰপৰা এটা কথাই নিশ্চিত যে যিকোনো ইভেণ্টত যোগদানৰ বাবে তেওঁলোকে ধনৰ চিন্তা কাহানিও কৰিব নালাগে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
