নতুন বছৰৰ আৰম্ভণিতে ৰাজ্যবাসীলৈ সুখবৰ মুখ্যমন্ত্ৰীৰ, লগতে দিলে কেইবাটাও নিৰ্দেশনা
নতুন বছৰৰ আৰম্ভণিতে ৰাজ্যবাসীক কেইবাটাও ভাল খবৰ দিলে মুখ্যমন্ত্ৰীয়ে। ফেচবুক লাইভ যোগে কেইবাটাও ডাঙৰ ঘোষণা মুখ্যমন্ত্ৰী হিমন্ত বিশ্ব শৰ্মাৰ। মাইক্ৰ’ফাইনেন্সৰ ঋণী মহিলা, নতুন ৰেচন কাৰ্ড, নতুন আঁচনিকলৈও ডাঙৰ ঘোষণা মুখ্যমন্ত্ৰী শৰ্মাৰ।
নতুন বছৰৰ আৰম্ভণিতে মাইক্ৰ’ফাইনেন্সৰ ঋণী মহিলাক উদ্দেশ্যি মন্তব্য মুখ্যমন্ত্ৰীৰ। ৫০হাজাৰ টকা পৰ্যন্ত বেংকক ঋণ উভতাই দিলে ৰাজ্য চৰকাৰে। শীঘ্ৰেই বেংকৰ পৰা লাভ কৰা NO DUE চাৰ্টিফিকেটো বিতৰণ কৰিব ঋণী মহিলাক।
বিগত বৰ্ষত বান বিধ্বস্ত পৰিয়ালকো প্ৰদান কৰিব আৰ্থিক সাহাৰ্য। ছাত্ৰ-ছাত্ৰীৰ ভৱিষ্যতৰ কথা চিন্তা কৰি প্ৰদান কৰিব কেইবাটাও উপহাৰ।
১৫ ডিচেম্বৰত প্ৰায় ২০লাখ লোকক প্ৰদান কৰিব নতুন ৰেচন কাৰ্ড। এই সময়চোৱাত ১৫-২০লাখ পৰিয়ালক নতুন আঁচনিৰে সহায় কৰিব ৰাজ্য চৰকাৰে।
ইয়াৰ উপৰিও দিয়ে কেইবাটাও নিৰ্দেশনা – নতুন বছৰত পিকনিক যোৱাৰ সময়ত ৰাইজক সাৱধান হোৱাৰ আহ্বান মুখ্যমন্ত্ৰীৰ। ফেচবুক লাইভত মুখ্যমন্ত্ৰীয়ে কয়- ‘আনন্দ উৎসাহৰ সময়ত দুখৰ বতৰা আহিব নালাগে কাৰো জীৱনলৈ’।
নতুন বছৰত অসমবাসীক হেলমেট পিন্ধাৰ ক্ষেত্ৰত পাহৰি নাযাবলৈ আহ্বান মুখ্যমন্ত্ৰীৰ। নতুন বছৰত সুৰাপান কৰি গাড়ী নচলাবলৈ আহ্বান ৰাইজক ।
মুখ্যমন্ত্ৰীয়ে কয়- ‘সুৰপান কৰি গাড়ী নচলোৱাটো প্ৰত্যেকজন নাগৰিকৰ দায়িত্ব’ , ‘সুৰাপান কৰি নিজৰ লগতে আনৰ জীৱনলৈ অন্ধকাৰ নানিব’, ‘পুৱা ঘন কুঁৱলীৰ সময়ত পিকনিক যাওতে সাৱধান হওক ৰাজ্যবাসী’।
বিগত বছৰৰ দেৰগাঁৱৰ শোকাৱহ দুৰ্ঘটনাৰ কথাও সোঁৱৰালে মুখ্যমন্ত্ৰীয়ে। সেয়ে পিকনিক পৰিচালনা কৰা লোকক গাড়ীৰ ড্ৰাইভাৰৰ ওপৰত নজৰ ৰাখিবলৈ আহ্বান।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
