এগৰাকী দুগৰাকী নহয় মুঠ ৫গৰাকীকৈ বোৱাৰীক বহিঃৰাজ্যত বিক্ৰি কৰিছে এজন যুৱকে৷ বোৱাৰী বিক্ৰিৰ সৈতে জড়িত ব্যক্তিৰ নাম ৰমানাথ ৰায় বুলি জানিবলৈ দিছে ধুবুৰী আৰক্ষী সূত্ৰই৷ কিন্তু কেনেকৈ মহিলাক বহিঃৰাজ্যলৈ নি বিক্ৰি কৰিছে সেই কথা জানিলে চকুঁ কঁপালত উঠিব আপোনাৰো৷
ধুৰন্দৰ ৰামনাথে কেনেকৈ একোগৰাকী বোৱাৰীক প্ৰলোভন দিয়ে? ঘটনাৰ বিৱৰণ দিছে স্থানীয় এগৰাকী ব্যক্তিয়ে৷ ধনজিৎ ৰায় নামৰ ব্যক্তিগৰাকীৰ পত্নীকো ধুৰন্দৰ ৰামনাথে বিক্ৰি কৰিছে৷ ৰামনাথে নিজকে আৰক্ষীৰ উচ্চপদস্ত বিষয়া হিচাপে পোনতে পৰিচয় দিয়ে৷ তাৰপিছতেই বিভিন্ন প্ৰলোভন দিয়ে বোৱাৰীসকলক৷ ৰামনাথৰ টাৰ্গেটেই বোৱাৰী৷
ধনজিতে ঘটনাৰ বিৱৰণ দিছে এনেদৰে, ‘মোৰ পত্নীক ডি এছ পিৰ প্ৰলোভন দি লৈ গৈছে ৰামনাথে৷ গুজৰাট, দিল্লী আদিলৈ নি বিক্ৰি কৰে বোৱাৰীসকলক৷ পূৰ্বেও ৫জনী বোৱাৰীক নি বিক্ৰি কৰিছে ৰামনাথে৷ ৰামনাথৰ লগত থকা মহিলা এজনীয়ে মোক এই তথ্য দিছে৷ ৰামনাথে মহিলাসকলক প্ৰলোভন দি লৈ নিজে ব্যৱহাৰ কৰি তাৰপাছত বিক্ৰি কৰে৷ দিল্লীৰ গুৰগাওঁত নি মহিলাসকলক বিক্ৰি কৰে ৰামনাথে৷’
উল্লেখ্য যে বহিঃৰাজ্যত বিক্ৰিৰ বলি হৈ তাৰপৰা পলায়ন কৰা তিনি মহিলাৰ তথ্যও ধনজিতে ডাঙি ধৰিছে আৰক্ষীৰ সন্মুখত৷ ধনজিতে আৰক্ষীক অভিযোগ দিয়াৰ পাছতো আৰক্ষীয়ে কাণসাৰ নিদিয়াত সংবাদমাধ্যমৰ কাষ চাপিছে ধনজিৎ৷ যিকোনো প্ৰকাৰে পত্নীক উদ্ধাৰ কৰি অসমলৈ উভতাই অনাৰ লগতে ধুৰন্দৰ ৰামনাথৰ বিৰুদ্ধে বিহিত ব্যৱস্থা গ্ৰহণৰ দাবী উত্থাপন কৰিছে ধনজিতে৷ জানিব পৰামতে ৰামনাথ ৰায়ৰ বিৰুদ্ধে কেইবাটাও অপহৰণৰ গোচৰ লিপিবদ্ধ হৈ আছে আৰক্ষীৰ ওচৰত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
