বাংলাদেশত এইবাৰ সমুখ সমৰত হাছিনা-ইউনুছ, আক্ৰমণাত্মক ৰূপ
বাংলাদেশৰ ৰাজনীতিত এইবাৰ সমুখ সমৰত শ্বেখ হাছিনা আৰু মহম্মদ উইনুছ। দুয়োৰে মাজত একপ্ৰকাৰৰ যুদ্ধ ঘোষণা। দুয়োগৰাকী নেতাই ইজনে সিজনৰ বিৰুদ্ধে আক্ৰমনাণাত্মক হৈ উঠিছে। যাৰ বাবে এতিয়া দেশখনত ভৱিষ্যতে কিবা এটা ডাঙৰ ঘটন হ’ব পাৰে বুলি শংকা প্ৰকাশ কৰা হৈছে।
প্ৰাক্তন প্ৰধানমন্ত্ৰী শ্বেখ হাছিনা মুকলিকৈ বিৰোধত নামিছে নতুন চৰকাৰৰ। বৰ্তমানৰ অন্তৱৰ্তীকালীন চৰকাৰক তীব্ৰ লক্ষ্য কৰি তেওঁ কয় যে অন্তৱৰ্তীকালীন চৰকাৰৰ মুৰব্বী ইউনুছ এজন হত্যাকাৰী। আৱামি লীগৰ কাৰ্যসূচীত ভাৰ্চুৱেলি ভাষণ দি তেওঁ কয় যে আমি একত্ৰিত হৈ আমাৰ দেশক বচাব লাগিব।
বৰ্তমান দিল্লীত বাহৰ পাতি আছে শ্বেখ হাছিনাই। আগষ্ট মাহত দেশ এৰি যোৱাৰ পিছৰে পৰা দিল্লীত বসবাস কৰি আহিছে হাছিনাই। ইফালে বাংলাদেশৰ নতুন মুৰব্বী ইউনুছৰ অন্তৱৰ্তীকালীন চৰকাৰত হিন্দু সংখ্যালঘুৰ বিৰুদ্ধে হিংসা ধাৰাবাহিকভাৱে বৃদ্ধি পাইছে।
ভাৰ্চুৱেল ভাষণত শ্বেখ হাছিনাই কয়, ‘এই অন্ধকাৰ নাইকিয়া হ’ব, এই ফেচিষ্ট, হত্যাকাৰী, ষড়যন্ত্ৰমূলক ইউনুছ চৰকাৰে বাংলাদেশৰ জনসাধাৰণৰ পৰা শিক্ষা পাব। আমাৰ দেশ ধ্বংস কৰি আছে, তাত আতংকৰ সৃষ্টি কৰিছে। অনুগ্ৰহ কৰি সকলোৱে একত্ৰিত হৈ এই ফেচিবাদী চৰকাৰখন আঁতৰাই পেলাওক যাতে বাংলাদেশৰ ভাল ভৱিষ্যত থাকিব পাৰে।
হাচিনাই আৰু কয়, ‘তেওঁলোকে ভুৱা গোচৰ পঞ্জীয়ন কৰি মানুহক হত্যা কৰাসকলক মুকলি কৰি দিছে। কিয় সাংসদ আৰু সংসদ ভৱনৰ কোঠা লুণ্ঠন কৰিছে? দেশ লুণ্ঠন কৰিছে। অৰ্থনৈতিক ব্যৱস্থা কিয় ধ্বংস কৰিছে? কিয় এনে কৰিছে, হত্যাকাৰী ইউনুছ আৰু তেওঁৰ উপদেষ্টাসকলে উত্তৰ দিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
