সমগ্ৰ ৰাজ্য এইবাৰ বানত আক্ৰান্ত হৈছে৷ প্ৰথমটো বানে ডিমা হাছাও আৰু বৰাক জিলাত বিধ্বংসী ৰূপ ধাৰণ কৰাৰ পিছতে বছৰৰ দ্বিতীয়টো বানে নামনি অসম, মধ্য অসম আৰু বৰাক উপত্যকাত ধ্বংসলীলা চলায়৷
এইবাৰ বানত আটাইতকৈ বেছি ক্ষতিগ্ৰস্ত হৈছে বৰাক উপত্যকা৷ বৰাক উপত্যকাৰ অন্য জিলাৰ লগতে শিচলৰত বানে সমুলঞ্চে ধ্বংসলীলা চলোৱা বুলি ক’লেও অত্যুক্তি কৰা নহ’ব৷ বানত এতিয়ালৈকে ৰাজ্যখনৰ ১৫ লাখ লোক আক্ৰান্ত হোৱাৰ লগতে ১৬২ গৰাকী লোকৰ মৃত্যু ঘটিছে৷
ঠিক তেনে সময়তে বৰাক উপত্যকাত বৰাক নৈৰ মথাউৰি কাটিবলৈ ষড়যন্ত্ৰ কৰাৰ অভিযোগl আৰক্ষীয়ে ৪ জনকৈ লোকক গ্ৰেপ্তাৰ কৰিছে৷ অভিযোগ অনুসৰি বৰাক নৈ মথাউৰি ছিগাৰ বাবেই শিলচৰ চহৰখন বানপানীত ডুব গ’ল৷ বৰাক উপত্যকাত বানপানী পৰিদৰ্শন কৰিবলৈ যোৱা ৰাজ্যৰ মুখ্যমন্ত্ৰী ডঃ হিমন্ত বিশ্ব শৰ্মাইও ইয়াক মানৱসৃষ্ট দুৰ্যোগ বুলি অভিহিত কৰি অভিযুক্ত লোকৰ বিৰুদ্ধে কঠোৰ ব্যৱস্থা ল’বলৈ নিৰ্দেশ দিছিল৷
লগতে পঢ়ক পবিত্ৰ হজ কৰিবলৈ গৈ বিপদ! ৩০০ হাজযাত্ৰীক গ্ৰেপ্তাৰ, ২ লাখ টকা জৰিমনা
ইয়াৰ পিছতে আৰক্ষীয়ে বৰাক নৈৰ মথাউৰি কটা আৰু ষড়যন্ত্ৰ কৰাৰ অভিযোগত চাৰিজনকৈ লোকক গ্ৰেপ্তাৰ কৰিছে৷ ঘটনা সন্দৰ্ভত কাছাৰ আৰক্ষী অধীক্ষক ৰমানদীপ কৌৰে গ্ৰেপ্তাৰ চাৰিগৰাকী লোকক গ্ৰেপ্তাৰ কৰা বুলি প্ৰকাশ কৰিছে।
আৰক্ষী অধীক্ষকগৰাকীয়ে চাৰিজন অভিযুক্তক গ্ৰেপ্তাৰ কৰিলেও অৱশ্যে ঘটনাটোত অভিযুক্তসকলৰ ভূমিকা সম্পৰ্কে সবিশেষ তথ্য প্ৰকাশ কৰিবলৈ অস্বীকাৰ কৰে। সংবাদ সংস্থা আইএএনএছৰ মতে, ধৃত লোককেইজন মিথু হুছেইন লস্কৰ, কাবুল খান, নাজিৰ হুছেইন আৰু ৰিপন খান বুলি চিনাক্ত কৰা হৈছে। যোৱা শনিবাৰে আৰক্ষীয়ে লস্কৰক আৰু শুকুৰবাৰে নিশা খানক গ্ৰেপ্তাৰ কৰে।
কাবুল খানে আৰক্ষীৰ জেৰাত বৰাক নৈৰ মথাউৰি কটাৰ পৰিকল্পনা কৰাৰ কথা সদৰীৰ কৰাৰ পিছতে তেওঁৰ স্বীকাৰোক্তিৰ ভিত্তিতে অন্য দুই অভিযুক্ত ক্ৰমে নাজিৰ হুছেইন আৰু ৰিপন খানক গ্ৰেপ্তাৰ কৰে৷ ইফালে এই ঘটনাত মুঠ ছগৰাকী লোক জড়িত থকা বুলি প্ৰকাশ পাইছে৷
লগতে পঢ়ক বিবাহ নকৰাকৈ ২৪ বছৰীয়া অভিনেত্ৰী নিধি গৰ্ভৱতী! আলিয়া ভাটৰ গৰ্ভাৱস্থা পাহৰিলে নেটনাগৰিকে!
মুখ্যমন্ত্ৰী ডঃ শৰ্মাৰ তৎপৰতাৰ পিছতে ইতিমধ্যে গোচৰটো চিআইডিয়ে লৈ তদন্ত প্ৰক্ৰিয়া অব্যাহত ৰাখিছে৷ চিআইডিৰ অতিৰিক্ত আৰক্ষী সঞ্চালক প্ৰধানে তদন্তৰ নেতৃত্ব দিয়াৰ লগতে এটা বিশেষ টাস্ক ফ’ৰ্চে তদন্তৰ তদাৰক কৰিছে।
উল্লেখ্য য়ে মুখ্যমন্ত্ৰীয়ে কাছাৰ জিলাৰ মথাউৰি পৰিদৰ্শন কৰাৰ সময়ত স্থানীয় ৰাইজক ভিডিঅ’টো দেখুৱাই ভিডিওটোত থকা কণ্ঠস্বৰ চিনাক্ত কৰিবলৈ আহ্বান জনাইছিল। মুখ্যমন্ত্ৰীৰ এই আহ্বানৰ পিছতে উক্ত কণ্ঠস্বৰটো কাবুল খানৰ বুলি চিনাক্ত কৰা হয়।
প্ৰাপ্ত খবৰ অনুসৰি ২৪ মে’ত আৰক্ষীৰ ওচৰত প্ৰতিবেদন দাখিল কৰা হৈছিল। উল্লেখ্য যে শিলচৰৰ পৰা প্ৰায় ৩ কিলোমিটাৰ দূৰত থকা বেথুকান্দিত নিৰ্মাণ কৰা মথাউৰিটো একাংশ স্থানীয় লোকে ভঙা বুলি কোৱা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
