অসম লাইভ২৪ঃ দুৰ্ঘটনাট পতিত হোৱা ঋষভৰ স্বাস্থ্য বৰ্তমানো সুস্থিৰ নহয়৷ আঁঠুৰ লিগামেণ্ট চিঙি যোৱাৰ ফলত এক জটিল অস্ত্ৰোপছাৰ সম্পন্ন হৈছে ঋষভৰ৷ সম্পূৰ্ণ সুস্থ হৈ উঠিবলৈ কমেও ৬ মাহ সময়ৰ প্ৰয়োজন বুলি প্ৰকাশ কৰিছে চিকিৎসকেও৷ কিন্তু তাৰমাজতেই বিচিচিআইয়ে দিয়া ভালখবৰটোৱে ঋষভ অনুৰাগীক নথৈ সুখী কৰি তুলিছে৷
হাস্পতালত চিকিৎসাধীন হৈ থাকিলেও ঋষভে প্ৰতিমাহেই লাভ কৰিব দৰমহা৷ BCCI-য়ে মানৱীয় দৃষ্টিভংগীৰেই লৈছে এই বিশেষ সিদ্ধান্ত৷ আৰ্থিক অনাটন যাতে কোনো কাৰণতে নহয় তাৰ বাবেই এই বিশেষ সিদ্ধান্ত গ্ৰহণ কৰিছে বিচিচিআইয়ে৷ ইতিমধ্যেই পন্থৰ চিকিৎসাৰ সমূহ দায়িত্বও বিচিচিআইয়েই গ্ৰহণ কৰিছে৷
দুৰ্ঘটনাৰ পাছতেই ঋষভক এখন স্থানীয় হাস্পতালত ভৰ্তি কৰোৱা হৈছিল৷ তাৰ পাছতেই তেওঁৰ ডেৰাডুনক মাক্স হাস্পতাললৈ লৈ যোৱা হয়৷ ডেৰাডুনত শৰীৰৰ বাকি অংশৰ চিকিৎসা কৰি তেওঁক ভৰিৰ চিকিৎসাৰ বাবে মুম্বাইলৈ লৈ যোৱা হয়৷ মুম্বাইৰ কোকিলা বেন হাস্পতালত ঋষভৰ আঁঠুৰ অস্ত্ৰোপছাৰ সম্পন্ন হৈছে৷ এই চিকিৎসাৰ সমূহ দায়িত্ব বিচিচিআইয়ে বৰ্তমানলৈ গ্ৰহণ কৰিছে৷
ঋষভৰ পক্ষে এইবাৰ IPL খেলাও সম্ভৱ নহয়৷ দিল্লীৰ হৈ আইপিএলত অংশগ্ৰহণৰ বাবে চুক্তিবদ্ধ ঋষভে খেলত অংশ গ্ৰহণ কৰিব নোৱাৰিলেও লাভ কৰিব কেইবা কোটিও ধন৷ দিল্লী কেপিটেলঠে ঋষভক প্ৰদান কৰিব ১৬ কোটি টকা৷ ইয়াৰোপৰি বিচিচিআইৰ কেন্দ্ৰীয় চুক্তিৰ অনুসাৰে ঋষভে মাহিলি লাভ কৰিব ৫ কোটি টকা দৰমহা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
