সময় সলনি হৈছে৷ কলেজ পাছ কৰোতেই ২১ বছৰ পাৰ হয়েই৷ স্নাতকোত্তৰ স্তৰৰ পঢ়াশুনা শেষ কৰোতে কৰোতে বয়স হয়গৈ ২৩ৰ পৰা ২৪৷ তাৰপিছতেই কোনোৱে যদি পিএইছডি কৰে তেন্তে আৰু ৫বছৰ৷ তাৰপিছতেই চাকৰি পায় নিজৰ ভৰিত থিয় হোৱালৈকে এজন লৰাৰ বয়স হয়গৈ ৩২-৩৩ বছৰ৷ তাৰপিছতহে দাম্পত্য জীৱনৰ আনন্দ উপভোগ কৰে৷ পিতৃ হোৱাৰ কথা ভৱালৈকে প্ৰায় ৩৫-৪০ বছৰ হয়গৈ৷
বেছি বয়সত সন্তান ধাৰণ কৰিবলৈ গ’লে মহিলাৰ যেনেকৈ সমস্যা হয় তেনেকৈ এজন পুৰুষেও বেছি বয়সত পিতৃত্বৰ স্বাদ লোৱাৰ ক্ষেত্ৰত সমস্যা থাকে নেকি? বয়স বৃদ্ধিৰ সৈতে কমি থাকে পুৰুষৰ শুক্ৰাণুৰ সংখ্যা আৰু মান৷ শুক্ৰাণুৰ গতিশীলতা হ্ৰাস, পৰিমাণ হ্ৰাস, ডিএনএ ফ্ৰেগমেণ্টেছন বৃদ্ধিৰ দৰে নানান সমস্যাই দেখা দিয়ে৷ আনকি বয়স বাঢ়িলে পিতৃ হোৱাৰ ক্ষেত্ৰত পুৰুষৰ মিউটেছন বা জিনগত নানান সমস্যাই দেখা দিয়ে৷ যি পৰবৰ্তী শিশুৰ শৰীৰত বাহিত হয়৷
বয়স বঢ়াৰ লগে লগে পুৰুষৰ প্ৰজনন কোষ বা শুক্ৰাণুত ডি নোভা মিউটেছনৰ অস্তিত্ব বাঢ়ি থাকে৷ যিয়ে পৰবৰ্তী প্ৰজন্মৰ শৰীৰত সঞ্চাৰিত হ’ব পাৰে৷ ফলত এই শিশুৰ নানান শাৰীৰিক সমস্যাই দেখা দিব পাৰে৷ বহু গৱেষণাত দেখা গৈছে যে বেছি বয়সত পিতৃ হ’লে সন্তানসকলৰ মাজত জটিল মানসিক ৰোগত আক্ৰান্ত হোৱাৰ প্ৰৱণতা বাঢ়িছে৷ বাইপোলাৰ ডিজঅৰ্ডাৰ বা এটেনছন হাইপাৰএক্টিভিটিৰ দৰে নানান ডিজ অৰ্ডাৰো হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
