বৰ্তমান সময়ত স্বাস্থ্য সচেতনতা বৃদ্ধিৰ সৈতে বিভিন্ন ফলমূলৰ পুষ্টিগুণকল লৈয়ো আগ্ৰহ বাঢ়িছে। এনে এক পুষ্টিকৰ ফল হৈছে কিউই। সেঁউজীয়া ৰঙৰ কলা বীজৰ এই ফলবিধ কেৱল দেখিবলৈকে আকৰ্ষণীয় নহয়, স্বাস্থ্যৰ বাবেও বহু উপকাৰী।
১. ৰোগ প্ৰতিৰোধ ক্ষমতা বৃদ্ধি
কিউই ফলবিধ ভিটামিন চিৰ এক চমৎকাৰ উৎস। ভিটামিন চিয়ে আমাৰ শৰীৰৰ ৰোগ প্ৰতিৰোধ ক্ষমতা বঢ়োৱাত গুৰুত্বপূৰ্ণ ভূমিকা পালন কৰে। ই শ্বেত ৰক্তকণিকাৰ কাৰ্যকাৰিতা বৃদ্ধি কৰে, যিয়ে শৰীৰক বিভিন্ন সংক্ৰমণ আৰু অসুস্থতাৰ পৰা ৰক্ষা কৰে। বিশেষকৈ ঋতু সলনিৰ সময়ত প্ৰাদূৰ্ভাৱ ঘটা ফ্লুৰ বিৰুদ্ধেও যুঁজ কৰিব পাৰে। নিয়মিত কিউই গ্ৰহণে শৰীৰৰ ৰোগ প্ৰতিৰোধ ব্যৱস্থাক শক্তিশালী কৰে।
২. হজম শক্তি উন্নত কৰে
কিউইত প্ৰচুৰ পৰিমাণে ফাইবাৰ আৰু আঁহ থাকে, যিয়ে হজম প্ৰক্ৰিয়াক স্বাভাৱিক ৰখাত সহায় কৰে। ইয়াৰ মাজত থকা একটিনিডিন নামক এবিধ এনজাইম প্ৰটিনে পৰিপাকত সহায় কৰে। ফলত কোষ্ঠকাঠিন্য়ৰ দৰে সমস্যা দূৰ হয় আৰু অন্ত্ৰৰ স্বাস্থ্য ভালে থাকে। নিয়মিত কিউই খালে হজম সংক্ৰান্তিয় অস্বস্তিৰ পৰা মুক্তি পোৱা যায়।
৩. হৃদযন্ত্ৰৰ সুৰক্ষাৰ সহায়ক
গৱেষণাত দেখা গৈছে কিউই ফল হৃদযন্ত্ৰৰ বাবেও উপকাৰী। ইয়াত থকা পটাছিয়ামে ৰক্তচাপ নিয়ন্ত্ৰণত সহায় কৰে। ইয়াৰোপৰি কিউইৰ এণ্টিঅক্সিডেণ্ট উপাদানসমূহে তেজৰ ক্ষতিকাৰক কলষ্টেৰলৰ মাত্ৰা কমোৱা আৰু ৰক্তনলীৰ স্বাস্থ্য উন্নত কৰাত সহায় কৰে। ফলত হৃদৰোগৰ আশংকা কমি যায়।
৪. ছাল আৰু দৃষ্টিশক্তিৰ উন্নতি
ভিটামিন চি আৰু ভিটামিন ই সহ বিভিন্ন এণ্টিঅক্সিডেণ্টেৰে ভৰপুৰ হোৱাৰ বাবে কিউই ফল ছালৰ স্বাস্থ্যৰ বাবে খুবেই উপকাৰী। এই উপাদানসমূহে ছালৰ কোষক ফ্ৰি ৰেডিকেলৰ ক্ষতিৰ পৰা ৰক্ষা কৰে আৰু বয়সৰ চাপ কমোৱাত সহায় কৰে। ইয়াৰোপৰি কিউইত লুটেইন আৰু জিয়াজেনথিনৰ দৰে উপাদান থাকে, যিয়ে চকুৰ স্বাস্থ্য ৰক্ষা কৰে আৰু বয়সজনিত দৃষ্টিশক্তি হ্ৰাসৰ সম্ভাৱনা কমায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
