উৎসৱলৈ আৰু কেইটামান দিনহে বাকী৷ পূজাৰ আমেজ এতিয়া প্ৰায়সংখ্যকৰেই গাত লাগিছে৷ ইয়াৰ মাজতেই আহিছে সুখবৰ৷ শীঘ্ৰেই বৃহৎ ঘোষণা কৰিব পাৰে কেন্দ্ৰীয় চৰকাৰে৷ ছেপ্টেম্বৰৰ শেষ বা অক্টোবৰৰ আৰম্ভণিতেই চৰকাৰী কৰ্মচাৰীৰ বাবে বৃহৎ ঘোষণা কৰিব পাৰে চৰকাৰে৷ কি এই ঘোষণা?
মহাৰ্ঘ্য ভাট্টা বা ডিএ বৃদ্ধিৰ ঘোষণা
দুৰ্গাপূজাৰ পূৰ্বেই ডি এ বৃদ্ধিৰ ঘোষণা কৰিব পাৰে কেন্দ্ৰীয় চৰকাৰে৷ ইয়াৰোপৰি দৰমহা বৃদ্ধি পাব পাৰে চৰকাৰী কৰ্মীয়ে৷ সূত্ৰৰ খবৰ অনুসৰি কেন্দ্ৰীয় চৰকাৰে ৩ৰ পৰা ৪ শতাংশ ডিএ বৃদ্ধিৰ ঘোষণা কৰিব পাৰে৷ বিগত ১ জুলাইৰ পৰা এই ডি এ কাৰ্যকৰী হ’ব৷ অৰ্থাৎ বৰ্ধিত বেতনৰ ওপৰিও এৰিয়াৰো লাভ কৰিব কৰ্মীয়ে৷
ইয়াৰ পূৰ্বে চলিত বছৰৰ মাৰ্চ মাহত শেষবাৰ ডিএ বৃদ্ধিৰ ঘোষণা কৰিছিল কেন্দ্ৰীয় চৰকাৰে৷ ৪শতাংশ ডি এ বৃদ্ধিৰ ঘোষণা কৰাৰ ওপৰিও ডি এৰ হাৰ বেছিক দৰমহাৰ ৫০শতাংশ হৈছিলগৈ৷ ডি এ ৫০শতাংশ হোৱাৰ সৈতে বেছিক দৰমহা যোগ নহয়৷ বৰং এইছ আৰএ সহ বাকী ভাট্টা বা এলায়েন্সৰ সৈতেহে যোগ হ’ব৷ অষ্টম পে কমিছন গঠন নোহোৱা পৰ্যন্ত এই নিয়মতেই ডি এ বৃদ্ধি হ’ব বুলি অনুমান কৰিছে বিশেষজ্ঞসকলে৷
কেতিয়া তৈয়াৰ হ’ব অষ্টম পে কমিছন?
কেন্দ্ৰীয় চৰকাৰৰ কৰ্মীয়ে একাধিকবাৰ অষ্টম পে কমিছন গঠনৰ দাবী জনালেও বৰ্তমান কেন্দ্ৰৰ নতুন পে কমিছন গঠনৰ কোনো পৰিকল্পনা নাই বুলিয়েই সূত্ৰই প্ৰকাশ কৰিছে৷ সাধাৰণতে ৫০শতাংশতকৈ বেছি হ’ব পাৰে এই মহাৰ্ঘ্য ভাট্টা৷ অৱশ্যে চতুৰ্থ পে কমিছনত ১৭০শতাংশ পৰ্যন্ত হৈছিলগৈ ডিএ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
