বিনামূলীয়া আধাৰ আপডেটৰ সময়সীমা বঢ়ালে UIDAIয়ে৷ ২০২৫ চনৰ ১৪ জুন পৰ্যন্ত এই সুযোগ পাব৷ পূৰ্বে বিনামূলীয়া আধাৰ আপডেটৰ শেষ তাৰিখ আছিল ২০২৪ৰ ১৪ ডিচেম্বৰ৷ এই সময়সীমা বঢ়োৱা হৈছে৷ উল্লেখ্য যে কেৱল MyAadhaar পৰ্টেলতেই বিনামূলীয়া এই পৰিসেৱা পাব গ্ৰাহকে৷ ২০২৫ চনৰ ১৪ জুনৰ পাছত আধাৰ চেণ্টাৰসমূহত অফলাইন আপডেট কৰাৰ বাবে ফ্ৰি কৰি দিয়া হৈছে৷ UIDAIৰ তৰফৰ পৰাই এয়া জনোৱা হৈছে৷
এই প্ৰসংগত ছচিয়েল মিডিয়া প্লেটফৰ্ম এক্সত এটা পোষ্ট কৰিছে UIDAIয়ে৷ তাতেই জনোৱা হৈছে যে বিনামূলীয়া অনলাইন ডকুমেণ্ট আপলোড কৰাৰ সুবিধা ২০২৫ চনৰ ১৪ জুন পৰ্যন্ত বঢ়োৱা হৈছে সময়সীমা৷ ইয়াৰ ফলত লক্ষ লক্ষ আধাৰ কাৰ্ড হোল্ডাৰ উপকৃত হ’ব৷ বিনামূলীয়া এই পৰিসেৱা কেৱল MyAadhaar পৰ্টেলতেই পাব৷
আধাৰ কাৰ্ড আপডেট কৰাৰ পৰামৰ্শও দিছে UIDAI৷ বিশেষকৈ যিসকলে ১০ বছৰ বা তাতোকৈ আগত আধাৰ কাৰ্ড পাইছে আৰু আপডেট কৰা নাই তেওঁলোকে আপডেট কৰিব লাগিব৷ এই আপডেট অৱশ্যে বাধ্যতামূলক নহয়৷
আধাৰ আপডেটৰ নিয়ম
আধাৰ এনৰ’লমেণ্ট আৰু আপডেট ৰেগুলেছন ২০১৬ অনুসৰি এজন আধাৰ কাৰ্ড হ’ল্ডাৰে তেওঁৰ আধাৰ নম্বৰ জেনাৰেছনৰ তাৰিখৰ পৰা ১০ বছৰ পাছত আবেদনৰ মাধ্যমেৰে তেওঁৰ পৰিচয়পত্ৰ আৰু ঠিকনাৰ নথি বা তথ্য আপডেট কৰাব পাৰিব৷
আধাৰ কাৰ্ডত এড্ৰেছ প্ৰুফ আপলোড কৰাৰ পদ্ধতি
গ্ৰাহকে যি কোনো আধাৰ কেন্দ্ৰত গৈ বা অনলাইনত MyAadhaar পৰ্টেলত ঠিকনাৰ নথি আপলোড কৰিব পাৰিব৷ তাতেই অনলাইন নথি জমা দিয়াৰ সম্পূৰ্ণ পদ্ধতি আপুনি চাব পাৰিব৷
অনলাইনত প্ৰথম ঢাপত আপুনি https://myaadhaar.uidai.gov.in/-ত যাওক৷
দ্বিতীয় ঢাপত লগ ইন কৰিব লাগিব৷ অথবা Name/Gender/Date of Birth & Address Update দি তথ্য বাচিব লাগিব৷
তৃতীয় ঢাপত আপডেট এড্ৰেছত ক্লিক কৰিব লাগিব৷ তাৰপাছতেই ক্লিক কৰিব লাগিব ‘Update Aadhaar Online’ত৷
চতুৰ্থ ঢাপত ঠিকনাৰ প্ৰমাণপত্ৰৰ স্কেন কৰা কপি আপলোড কৰিব লাগিব৷
পঞ্চম ঢাপ- এইবাৰ ৫০টকা পেমেণ্ট কৰিব লাগিব৷ সময়সীমাৰ পূৰ্বে আপডেট কৰিলে পেমেণ্টৰ প্ৰয়োজন নাই৷
ষষ্ঠ ঢাপ- এইবাৰ এছ আৰ এন বা ছাৰ্ভিছ ৰিকুৱেষ্ট নম্বৰ জেনাৰেট হ’ব৷ এয়া ছেভ কৰি ৰাখক৷ ঠিকনা আপডেট হৈছে নে নাই এই নম্বৰ দি চাব পাৰিব গ্ৰাহকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
