দেশৰ কোটি কোটি কৃষক এতিয়া প্ৰধানমন্ত্ৰী কিষাণ যোজনা বা PM Kishanৰ ২৩তম কিস্তিৰ অপেক্ষাত আছে৷ কেন্দ্ৰীয় চৰকাৰে প্ৰধানমন্ত্ৰী কৃষক সন্মান নিধি যোজনাৰ আওতাত কৃষকসকলৰ বেংক একাউণ্টত ২০০০ টকাকৈ তিনিটা কিস্তিত ধন পঠিয়াই৷ বৰ্তমান পৰ্যন্ত কৃষকে মুঠ ২২টা কিস্তিৰ টকা পাইছে৷ ২০২৬ চনৰ ১৩ মাৰ্চত প্ৰধানমন্ত্ৰী মোদীয়ে অসমৰ গুৱাহাটীৰ পৰা ২২ তম কিস্তি প্ৰকাশ কৰিছিল৷
মিডিয়া ৰিপৰ্ট অনুসৰি ২০২৬ চনৰ জুলাই মাহৰ ভিতৰত ২৩ তম কিস্তি জাৰি কৰিব পাৰে৷ চলিত বছৰতো চৰকাৰে মুঠ ৬০০০ টকা তিনিটা কিস্তিত কৃষকৰ একাউণ্টলৈ পঠিয়াব৷ কেইবাটাও গুৰুত্বপূৰ্ণ নথিৰ কাম সম্পূৰ্ণ নকৰিলে ২৩তম কিস্তিৰ টকা নাপাবও পাৰে৷
যিসমূহ কৃষকে বৰ্তমান পৰ্যন্ত e-KYC সম্পূৰ্ণ কনা নাই তেওঁলোকে দ্ৰুতভাৱে প্ৰক্ৰিয়া শেষ কৰক৷ চৰকাৰী নিৰ্দেশিকা অনুসৰি অটিপিৰ মাধ্যমেৰে PM-Kisan পৰ্টেল খুলি ঘৰতে বহি e-KYCসম্পূৰ্ণ কৰিব পাৰে৷ ইয়াৰোপৰি নিকটবৰ্তী কমন চাৰ্ভিছ চেণ্টাৰলৈ গৈ বায়োমেট্ৰিক e-KYC কৰাটো বাধ্যতামূলক৷
ইয়াৰোপৰি বেংক একাউণ্টত কিস্তিৰ টকা পোৱাৰ বাবে আধাৰ কাৰ্ডৰ সৈতে বেংক একাউণ্ট লিংক থকাটো জৰুৰী৷ যদি আধাৰ নম্বৰ বেংক একাউণ্টৰ সৈতে যুক্ত নাথাকে তেন্তে কিস্তিৰ টকা ৰৈ যাব পাৰে৷ কৃষকৰ মাটিৰ ভেৰিফিকেছন কৰাটোও অত্যন্ত গুৰুত্বপূৰ্ণ৷ যিসকলে এতিয়াও মাটিৰ কাগজপত্ৰ সম্পূৰ্ণ কৰা নাই তেওঁলোকেও পিএম কিষাণৰ পৰবৰ্তী কিস্তিৰ সুবিধা লাভ নকৰিব৷
ইয়াৰোপৰি একে পৰিয়ালৰ দুজন সদস্যই এই প্ৰকল্পৰ সুবিধা একেলগে নাপাব পাৰে৷ অৰ্থাৎ পৰিয়ালৰ দুই সদস্যই যদি এই প্ৰকল্পত আবেদন কৰে তেন্তে দুজনৰ একাউণ্টলৈ ধন নাহিবও পাৰে৷ এনে পৰিস্থিতিত চৰকাৰে লগে লগে কিস্তি বন্ধ কৰি দিব পাৰে৷
ইয়াৰোপৰি আৰু কিছুক্ষেত্ৰত কৃষকে এই প্ৰকল্পৰ সুবিধা নাপাব৷ চৰকাৰে জনাইছে যে যিসকলে ১ ফেব্ৰুৱাৰী ২০১৯ৰ পাছত মাটি কিনিছে তেওঁলোক এই প্ৰকল্পৰ বাবে যোগ্য বুলি বিবেচিত নহ’ব৷ উল্লেখ্য যে চৰকাৰে বছৰি তিনিটা পৃথক সময়ত এই কিস্তিৰ টকা দিয়ে৷ প্ৰথম কিস্তি এপ্ৰিল মাহত, দ্বিতীয় কিস্তি জুলাই মাহত আৰু তৃতীয় কিস্তি ডিচেম্বৰ মাহত পঠিওৱা হয়৷
২৩তম কিস্তিও খুবেই সোনকালে মুকলি কৰি দিয়া হ’ব৷ আপোনাৰ একাউণ্টত এই কিস্তিৰ টকা আহিছে নে সেয়া PM-Kisan-ৰ ৱেবচাইটত গৈ দেখা যাব৷ ইয়াৰ বাবে প্রথমে Farmer Corner-লৈ যাব লাগিব৷ তাৰপিছতেই “Know Your Status”-ত ক্লিক কৰিব লাগিব৷ ইয়াৰপাছতেই ৰেজিষ্ট্ৰেচন নম্বৰ আৰু আধাৰ নম্বৰ দিয় কেপচা পূৰণ কৰি “Get Status”-ত ক্লিক কৰিলেই ষ্টেটাছ জনা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
