ৰাজ্যসভাত হ্ৰাস পাবলৈ ধৰিছে বিজেপিৰ শক্তি, এতিয়াৰ পৰা কিদৰে পাছ কৰাব এখন বিল !
কেৱল লোকসভাতে নহয়, ৰাজ্যসভাতো বিজেপি আৰু এন ডি এৰ সংখ্যাগত শক্তি হ্ৰাস পাইছে। ৰাজ্যসভাত বিজেপিৰ চাৰিজন মনোনীত সদস্যই শনিবাৰে অৱসৰ গ্ৰহণ কৰে। ইয়াৰ লগে লগে উচ্চ সদনত অৰ্থাৎ ৰাজ্যসভাত বিজেপিৰ শক্তি ৮৬ আৰু এন ডি এৰ শক্তি ১০১ লৈ হ্ৰাস পাইছে। ১৯খন আসন খালী হোৱাৰ বাবে ৰাজ্যসভাত বৰ্তমান সদস্যৰ সংখ্যা ২২৬। এতিয়া প্ৰশ্ন উত্থাপন হৈছে যে ৰাজ্যসভাত বিজেপিৰ অশান্তি বাঢ়িব নেকি, কম সংখ্যাৰ বাবে এন ডি এৰ লোকচান হব নেকি? গুৰুত্বপূৰ্ণ আইন প্ৰণয়ন কৰিবলৈ এন ডি এৰ হাতত শক্তি তথা সমৰ্থক আছে নে নাই?
এই ক্ষেত্ৰত কবলৈ গলে, বিজেপিৰ অৱস্থা এতিয়াও শক্তিশালী৷ সংখ্যাৰ খেলত বিজেপি এতিয়াও আগবাঢ়ি আছে। আগন্তুক বাজেট অধিবেশনত ৭ জন অৰাজনৈতিক মনোনীত সদস্য, ২ জন নিৰ্দলীয় আৰু এ আই এ ডি এম কে আৰু ৱাই এছ আৰ চি পিৰ দৰে বন্ধুত্বপূৰ্ণ দলৰ সহযোগত গুৰুত্বপূৰ্ণ আইন প্ৰণয়ন কৰিব পৰাকৈ এন ডি এৰ হাতত এতিয়াও সংখ্যা আছে। কিন্তু আনৰ ওপৰত নিৰ্ভৰশীলতা হ্ৰাস কৰিবলৈ মনোনীত শ্ৰেণীৰ অন্তৰ্গত খালী পদসমূহ অতি সোনকালে পূৰণ কৰাটো গুৰুত্বপূৰ্ণ হ’ব।
ৰাষ্ট্ৰীয় সংবাদ মাধ্যমৰ প্ৰকাশিত বাতৰি অনুসৰি ৰাজ্যসভাৰ সাংসদ ৰাকেশ সিনহা, ৰাম শকাল, সোনাল মানসিং আৰু মহেশ জেঠমালানী চাৰিজন মনোনীত সদস্য। শনিবাৰে আটাইকেইজনে অৱসৰ গ্ৰহণ কৰে। ৰাজ্যসভাৰ বাবে মনোনীত হোৱাৰ পিছত আনুষ্ঠানিকভাৱে বিজেপিৰ সৈতে জড়িত হৈ পৰে। মনোনীত শাখাৰ আন এগৰাকী ৰাজ্যসভাৰ সদস্য হৈছে বিজেপিৰ অংশ গোলাম আলী। ২০২৮ চনৰ ছেপ্টেম্বৰ মাহত তেওঁ অৱসৰ ল’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
