বলীউডৰ এগৰাকী অভিনেতাৰ পত্নী চিকিমৰ ৰাণী, জানেনে কোন
বলীউডৰ এগৰাকী অভিনেতা চিকিমৰ ৰজাৰ জোঁৱাই। চিকিমৰ ৰাণীক বিয়া কৰাইছে হিন্দী চিনেমাৰ অন্যতম বিখ্যাত খলনায়ক ডেনি ডেনজংপাই। ৭০ৰ দশকৰ পৰা ৯০ দশকলৈকে তেওঁ খলনায়ক হিচাপে বলীউডত আধিপত্য বিস্তাৰ কৰিছিল। তেওঁৰ শক্তিশালী কণ্ঠ ডাঙৰ পৰ্দাত দৰ্শকৰ হৃদয় জয় কৰিছিল।
ডেনি ডেংজংপাই নিজৰ কেৰিয়াৰত বহু কেইখন চবিত বিশেষ বিশেষ চৰিত্ৰত অভিনয় কৰিছিল। তেওঁৰ বহু চৰিত্ৰ আজিলৈকে অমৰ। সেই ডেনীৰেই সুন্দৰী পত্নীয়ে সৌন্দৰ্যৰ ক্ষেত্ৰত বলীউডৰ সুন্দৰীসকলক কঠোৰ প্ৰতিযোগিতা দিয়ে। বিবাহৰ ৩৪ বছৰৰ পাছতো ডেনিৰ পত্নী গাৱা ডেনজংপাই নিজৰ সৌন্দৰ্য্যৰে সকলোৰে হোচ উৰুৱাই দিয়ে।
ডেনি ডেংজংপাৰ পত্নী ছিকিমৰ ৰাণী। তেওঁৰ ফটোবোৰ দেখিলে আপুনিও তেখেতৰ সৌন্দৰ্য্যত মোহিত হব। গাভা ছিকিমৰ ৰাজপৰিয়ালৰ পৰা অহা।
১৯৪৮ চনৰ ২৫ ফেব্ৰুৱাৰীত ছিকিমৰ গেংটকত জন্মগ্ৰহণ কৰা ডেনিয়ে ৪০ বছৰ বয়স অতিক্ৰম কৰাৰ পিছত গাভাৰ সৈতে বিবাহ পাশত আৱদ্ধ হৈছিল। ১৯৯০ চনত গাভা আৰু ডেনিৰ বিবাহ হয়। তেতিয়া ডেনিৰ বয়স আছিল ৪২ বছৰ।
বিয়াৰ পিছত ডেনি আৰু গাভা দুটা সন্তানৰ পিতৃ-মাতৃ হয়। দম্পতীহালৰ কন্যাৰ নাম পেমা ডেনজংপা। কিন্তু পেমা ডেনজংপা পিতৃৰ দৰে লাইমলাইটত নাথাকে। লাইমলাইটৰ পৰা আঁতৰি থাকি ভাল পায় পেমাই। গাভা আৰু ডেনিৰ ৰিনজিং ডেনজংপা নামৰ এজন পুত্ৰ সন্তানো আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
