জনপ্ৰিয় অভিনেতা, যিয়ে কাৰ্গিল যুদ্ধত দেশৰ হৈ যুঁজ দিয়াৰ বাবে এৰি দিছিল অভিনয়
চিনেমাৰ জগতখনত অভিনয় ত্যাগ কৰি পিছত চলচ্চিত্ৰ পৰিচালক নইবা চলচ্চিত্ৰ প্ৰযোজক হোৱা বহু তাৰকাৰ কাহিনী আপুনি নিশ্চয় শুনিছে। বহু তাৰকাই অভিনয়ৰ লগতে ব্যৱসায়তো হাত উজান দিয়ে। অমিতাভ বচ্চন, দিলীপ কুমাৰ, অক্ষয় কুমাৰ, অজয় দেৱগনকে ধৰি বহু অভিনেতাই পৰ্দাত নিজৰ ছবিৰে দেশ সেৱাৰ মনোভাৱ দেখুৱাইছে। কিন্তু, জানেনে এগৰাকী এনে অভিনেতা আছে যিয়ে অভিনয় ত্যাগ কৰি দেশৰ স্বাৰ্থত কাৰ্গিল যুদ্ধত ভাৰতৰ হৈ সেনা হিচাপে নামি পৰিছিল।
টেৰিটৰিয়েল আৰ্মীত কেপ্তেইন, মেজৰ, কৰ্ণেল আদি সন্মানীয় উপাধিৰে সন্মানিত হৈছে ক্ৰীড়া জগতত এনে বহু তাৰকা। কিন্তু, দেশৰ সেৱাৰ বাবে অভিনয় এৰি কাৰ্গিল যুদ্ধত যোগদান কৰা এজন প্ৰবীণ অভিনেতাও আছিল। যিয়ে নিজৰ অভিনয়েৰে ৰাষ্ট্ৰীয় পুৰষ্কাৰো লাভ কৰিছে, দেশৰ হৈ যুদ্ধও কৰিছে।
এই অভিনেতাগৰাকী আন কোনো নহয়, পৰিন্দা, তিৰংগা, ক্ৰান্তিৱৰ, অগ্নি সাক্ষী, খামোশী, ভূত আদি বহু ছুপাৰহিট ছবি দিয়া নানা পাটেকাৰ।
১৯৯৯ চনৰ কাৰ্গিল যুদ্ধৰ সময়ত নানা পাটেকাৰে অভিনয় জীৱনৰ পৰা বিৰতি লৈ মাৰাঠা লাইট ইনফেণ্ট্ৰি ৰেজিমেণ্টত মেজৰ হিচাপে সেৱা আগবঢ়াইছিল। তেতিয়াৰ পৰাই তেওঁ ক্ৰীড়া শ্বুটাৰ হিচাপে ৰাজ্যিক আৰু ৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণ কৰি আহিছে, আনকি ছিনিয়ৰ বয়সৰ গোটতো পদক লাভ কৰি আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
