অসম লাইভ ২৪ঃ প্ৰধানমন্ত্ৰী নৰেন্দ্ৰ মোডীৰ সভাস্থলীৰ পৰা মাত্ৰ ১২ কিঃমিঃ দূৰত সংঘটিত হ’ল এক বিস্ফোৰণ। জাতীয় পঞ্চায়তৰাজ দিৱস উপলক্ষে দেওবাৰে জম্মুৰ ছাম্বা জিলাৰ পাল্লী পঞ্চায়তত এক বিশাল জনসভা সম্বোধন কৰে প্ৰধানমন্ত্ৰীয়ে। কিন্তু এই স্থানৰ পৰা মাত্ৰ ১২ কিঃমিঃ দূৰত সংঘটিত হয় এক বিস্ফোৰণ।
SEE MORE: CBSEৰ পাঠ্যক্ৰমত বৃহৎ পৰিৱৰ্তন : আঁতৰিল মোগল ইতিহাসসহ কে’বটাও অধ্যায়
ঘটনা স্থলীত লগে লগে উপস্থিত হয় আৰক্ষী। প্ৰাথমিক তদন্তকাৰী বিষয়াই এই বিস্ফোৰণ উল্কাপাত নতুবা বজ্ৰপাতৰ কাৰণে হোৱা বুলি মন্তব্য কৰে। উল্লেখ্য যে শুকুৰবাৰে জম্মুত চিআইএছএফৰ ছাউনীলৈ লক্ষ্য কৰি গ্ৰেনেড আৰু গুলী চালনা কৰিছিল উগ্ৰপন্থীয়ে। সুঞ্জৱায়ৰ এই ঘটনাত চিআইএছএফৰ এজন জোৱান ছহিদ হয়।
SEE MORE: বিপথগামী হৈছে যুৱ প্ৰজন্ম : সম্পূৰ্ণ নিষিদ্ধ কৰা হ’ব PUBG আৰু TIKTOK!
ইয়াৰ বিপৰীতে চি আৰ পি এফৰ হাতত নিহত হয় দুটাকৈ উগ্ৰবাদী। জম্মু-কাশ্মীৰ আৰক্ষীৰ ডিজি দলবাগ সিঙে সদৰী কৰে যে উগ্ৰপন্থীৰ লক্ষ্য আছিল আত্মঘাতী আক্ৰমণ। কিন্তু চোৰাংচোৱা তৎপৰতাৰ বাবে এই আক্ৰমণ বিফল হয়। প্ৰধানমন্ত্ৰীৰ ভ্ৰমণৰ পূৰ্বে হোৱা এই ঘটনাৰ পাছতেই আৰু কোঠৰ নিৰাপত্তা বেষ্টনী গঢ়ি তোলা হয়। কিন্তু পানী নসৰকা নিৰাপত্তাৰ মাজতে প্ৰধানমন্ত্ৰীৰ সভাস্থলীৰ পৰা কিছু দূৰত সংঘটিত বিস্ফোৰণে নিৰাপত্তাৰ ক্ষেত্ৰতেই মেন আঁকি দিছে প্ৰশ্নবোধক চিহ্ন!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
