‘আমাৰ কৰ্মীক আমি কোনো অসুবিধাৰ সন্মুখীন হ’বলৈ নিদিও৷’ কথামতেই কাম৷ কোনো অসুবিধাৰ সন্মুখীন হ’বলৈ দিয়া নাই কৰ্মীসকলক৷ ২০২২ চনৰ পৰা স্পেইনৰ বাৰ্ছিলোনাৰ এটা সংস্থাই বিশেষকৈ এক বিশেষ বিৰতিৰ ব্যৱস্থা কৰিছে কৰ্মচাৰীৰ বাবে৷ স্বমেহন কৰাৰ বাবে আধাঘণ্টাৰ এক বিৰতি দিয়াৰ কথা ঘোষণা কৰিছে স্পেইনৰ সেই বিশেষ সংস্থাটোৱে৷ কিন্তু হঠাৎ কিয় এই সিদ্ধান্ত লৈছে বিশেষ সংস্থাটোৱে? ইয়াৰ কাৰণ সম্পৰ্কেও মুখ খুলিছে সংস্থাৰ কৰ্ণধাৰ এৰিকা লাষ্টে৷
সাম্প্ৰতিক এক সাক্ষাৎকাৰত এৰিকাই জনাইছে যে এই ৩০ মিনিটত তেওঁ সংস্থাৰ কৰ্মচাৰীসকলৰ মানসিক স্বাস্থ্য ভালে ৰাখিব খোজে৷ এৰিকাই কয়, ‘২০২২ চনত আমি যেতিয়া এই বিৰতি আৰম্ভ কৰিছিলো তেতিয়া কভিড চলি আছিল৷ কৰ্মচাৰীৰ ৰীতিমতে হতাশাত ভূগিছিল৷ এই বিৰতি আৰম্ভ কৰাৰ পাছত তেওঁলোকে জনাইছে যে কামৰ ক্ষেত্ৰত যেনেকৈ মনোযোগ বাঢ়িছে তেনেকৈয়ে কাম কৰাৰ বাবে উৎসাহো বাঢ়িছে কৰ্মীসকলৰ৷’
কৰ্মীসকলে যাতে ইয়াৰবাবে কোনো অসুবিধা নাপায় তাৰবাবে এক পৃথক ঘৰো তৈয়াৰ কৰা হৈছে অফিচত৷ তেওঁলোকৰ মত, মহামাৰীৰ পাছৰে পৰাই বহু কৰ্মচাৰীৰ মাজত উদ্বেগ আৰু মানসিক সমস্যাৰ প্ৰভাৱ বাঢ়ি গৈছে৷ নিয়মিত স্বমেহনে ৰক্তচাপ নিয়ন্ত্ৰণত ৰাখে আৰু মানসিক চাপ কমোৱাত সহায় কৰে, এই কথা সকলোৱে জানে কিন্তু প্ৰকাশ্যে এই বিষয়টো ক’বলৈ বহুতেই লাজ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
