অসম লাইভ২৪ঃ ৰাষ্ট্ৰীয় সংবাদ মাধ্যমত এইকেইদিন ৰাছি বাগ্গা নামৰ ২২ বছৰীয়া যুৱতী এগৰাকীৰ বাতৰিয়ে বিশেষ প্ৰাধান্য লাভ কৰিছে।কোনো IIT বা IIM ৰ পৰা উত্তীৰ্ণ নোহোৱাকৈও এওঁ এতিয়া দৰমহা লাভ কৰিব বছৰি ৮৫ লাখ টকা ! অৰ্থাৎ মাহে ৭ লাখতকৈ অধিক !!! চাকৰিৰ আৰম্ভণিতে এনে পৰিমাণৰ দৰমহা সাধাৰণতে IIT বা IIM ৰ কিছু সংখ্যক স্নাতকেহে লাভ কৰে।
International Institute of Information Technology (IIIT), নয়া ৰায়পুৰৰ পৰা এই বছৰতে B. Tech ডিগ্ৰী লাভ কৰা ৰাছিয়ে কেইবাটাও প্ৰতিষ্ঠানে অনুষ্ঠিত কৰা চৌহদ সাক্ষাৎকাৰ(campus interview)ত অৱতীৰ্ণ হৈছিল, যদিও তেওঁলৈ আগবঢ়োৱা দৰমহাৰ পৰিমাণ আছিল বছৰি ১৪ ৰ পৰা ১৫ লক্ষ টকা। কিন্তু ৰাছি বাগ্গা নামৰ ২২ বছৰ বয়সীয়া যুৱতী গৰাকীয়ে ইয়াতেই সন্তুষ্ট নাথাকি আন কেইবাটাও প্ৰতিষ্ঠানৰ সাক্ষাৎকাৰত অৱতীৰ্ণ হোৱাৰ পাছত অৱশেষত অষ্ট্ৰেলিয়াৰ ছিদনীত মুখ্য কাৰ্যালয় থকা Atlassian নামৰ তথ্য প্ৰযুক্তি বিষয়ক প্ৰতিষ্ঠানটোত বছৰি ৮৫ লাখ টকাৰ দৰমহাৰে কৰ্ম সংস্থাপন লাভ কৰে। নয়া ৰায়পুৰ IIIT ৰ পৰা উত্তীৰ্ণ কোনো স্নাতকে লাভ কৰা দৰমহা এতিয়ালৈকে এইয়াই সৰ্বাধিক ! ২০২২ চনত এইখন প্ৰতিষ্ঠানৰে পৰা উত্তীৰ্ণ আন এগৰাকীয়ে লাভ কৰিছিল বছৰি ৫১ লাখ টকা।
ৰাছি বাগ্গা এতিয়া এই প্ৰতিষ্ঠানটোৰ Product Security Engineer হিচাপে কৰ্মৰত। ইয়াৰ পূৰ্বে তেওঁ Amazon ত Software Developer Intern হিচাপে অলপ দিনৰ বাবে কাৰ্যনিৰ্বাহ কৰিছিল। নয়া ৰায়পুৰ IIIT ৰ এগৰাকী মুখপাত্ৰই ৰাছিৰ বিষয়ে মন্তব্য কৰি কৈছে, ” Rashi Bagga’s unwavering commitment to her goals and her impressive performance during interviews have led to this record breaking achievement.” Cyber security ৰ ক্ষেত্ৰত বিশেষ আগ্ৰহ আৰু দক্ষতা থকা ৰাছিয়ে ইতিমধ্যে Blockchain based security protocols for IoT networks শীৰ্ষক এখন গ্ৰন্থও ৰচনা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
