নৱেম্বৰত পঞ্চায়ত নিৰ্বাচন, ৰাজ্যিক কেবিনেটৰ বৈঠকত কেইবাটাও গুৰুত্বপূৰ্ণ সিদ্ধান্ত
লোক সভা নিৰ্বাচনৰ পাছত আজি ৬ জুন তাৰিখে অনুষ্ঠিত হৈছে প্ৰথমখন ৰাজ্যিক কেবিনেট বৈঠক। লোকসেৱা ভৱনত সমাপ্ত ৰাজ্যিক কেবিনেটৰ বৈঠক
বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ।
বৈঠকৰ অন্তত সংবাদমেল সম্বোধন মুখ্যমন্ত্ৰীৰ। সংবাদমেলত মুখ্যমন্ত্ৰী হিমন্ত বিশ্ব শৰ্মাই সদৰি কৰিলে কেইবাটাও গুৰুত্বপূৰ্ণ ঘোষণা।
প্ৰথমতে-
নৱেম্বৰত অনুষ্ঠিত হ’ব ৰাজ্যৰ পঞ্চায়ত নিৰ্বাচন। নিৰ্বাচনৰ পূৰ্বে সম্পন্ন হ’ব পঞ্চায়ত পুনঃগঠন। এখন পঞ্চায়ত অন্তৰ্গত হ’ব এটা বিধানসভা সমষ্টি । ৩০ আগষ্টৰ ভিতৰত সম্পূৰ্ণ হ’ব পঞ্চায়ত পুনঃগঠন। ৰাজ্যিক কেবিনেটৰ বৈঠকত এই সিদ্ধান্ত গ্ৰহণ।
দ্বিতীয়তে-
লগতে ৰেচন কাৰ্ড সন্দৰ্ভতো গুৰুত্বপূৰ্ণ সিদ্ধান্ত। নতুনকৈ দিয়া হব ৰেচন কাৰ্ড। ১৫ লাখ পৰিয়ালে লাভ কৰিব নতুন ৰেচন কাৰ্ড। ৰেচন কাৰ্ডৰ জৰিয়তে প্ৰতিটো পৰিয়ালে লাভ কৰিব ৫ টাকৈ সুবিধা।
ৰেচন কাৰ্ড দেখালেই লাভ কৰিব বিনামূলীয়া চাউল আৰু চিকিৎসা। অতিৰিক্ত ৫ লাখ টকাকৈ চিকিৎসা সেৱাৰ নামত আৰ্থিক সাহায্য লাভ কৰিব ৰেচন কাৰ্ড হিতাধিকাৰীয়ে।
তৃতিয়তে-
অৰুণোদয় আঁচনিৰ সুবিধা লাভ নকৰা প্ৰতিগৰাকী মহিলাই পাব ধন। অৰুণোদয় লাভ নকৰা লোকৰ সংখ্যা যাতে বহু হ্ৰাস পাই তাৰ বাবে চৰকাৰে গ্ৰহণ কৰিব বিশেষ ব্যৱস্থা। ইতিমধ্যে কেবিনেট উপ কমিটি গঠন কৰি এমাহৰ ভিতৰত প্ৰতিটো পৰিয়াল সন্দৰ্ভত তথ্য লাভ কৰি অৰুণোদয় দিয়াৰ ব্যৱস্থা গ্ৰহণ কৰিছে।
চতুৰ্থতে-
চৰাইদেউক বিশ্ব ঐতিহ্য কৰাৰ বাবে প্ৰস্তুতি। প্ৰথম বছৰতে যাতে চৰাইদেউৱে এই স্বীকৃতি লাভ কৰে তাৰ বাবে ইউনেস্ক’ সদস্যৰ সৈতে মিলিত হোৱাৰ বাবে সাজু হৈছে।
পঞ্চম-
নিজুত মইনাৰ আঁচনি- এইবাৰ মেট্ৰিক আৰু হায়াৰ চেকেণ্ডাৰী পাছ কৰা ছাত্ৰী সকলে উচ্চ শিক্ষাৰ বাবে নামভৰ্তি কৰিলে ক্ৰমে ১০ হাজাৰ টকা আৰু ১২৫০০ টকা লাভ কৰিব। এই আঁচনি খনৰ বাবেও আজি চৰকাৰে টকা মুকলিৰ অনুমতি প্ৰদান কৰে। অৱশ্যে টকা খিনি ২ মাহৰ ভিতৰতে দিব নে মাহে ১০০০ কে দিব সেই বিষয়ে সিদ্ধান্তৰ বাবে ৰণোজ পেগুৰ নেতৃত্বত বিশেষ কমিটি গঠন কৰি দিছে। অহা ৭ দিনৰ ভিতৰত ইয়াৰ সিদ্ধান্ত পোৱা যাব। ১৫ আগষ্ট তাৰিখে ইয়াৰ শুভাৰম্ভ কৰা হব।
ষষ্ঠ
মাইক্ৰফাইনেন্সৰ লোণৰ ক্ষেত্ৰতো বিশেষ সিদ্ধান্ত। ৫০ হাজাৰ পৰ্যন্ত টকা লোৱা লোণৰ বাবে বেংকক ঘুৰাই দি এন অ চি ডি আগষ্টৰ ভিতৰত সম্পূৰ্ণ হব।
সপ্তম-
প্ৰচাৰ ভাৰতীত ১০ কোটি টকা ৰাজ্য চৰকাৰে দিব, প্ৰচাৰ ভাৰতীৰ ফালৰ পৰা থাকিব ১০ কোটি, লগেত প্ৰয়োজন অনুসাৰে অতিৰিক্ত খৰচো কৰিব প্ৰসাৰ ভাৰতীয়ে। লাচিত বৰফুকনৰ ওপৰত ৫২ টা এপিচোডত তথ্য চিত্ৰ নিৰ্মাণ কৰি সৰ্বভাৰতীয় পৰ্যায়ত প্ৰচাৰ কৰিব।
অষ্টম-
আত্মনিৰ্ভৰ আঁচনিৰ বাবে ২ লাখ টকাৰ লোণৰ আবেদন মঞ্জুৰি। ছেপ্টেম্বৰৰ ভিতৰত ৩০ হাজাৰ যুৱকে লাভ কৰিব ১ লাখ টকাকৈ। প্ৰথম কিস্তি হিচাপে লাভ কৰিব এই ধন। দ্বিতীয় কিস্তিত লাভ কৰিব পুনৰ ১ লাখ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
