অসম লাইভ২৪ঃ টকাৰেই সুখ কিনিব পাৰিনে? যুগ যুগ ধৰি চলি আহিছে এই প্ৰশ্ন। একাংশৰ মতে টকাৰে কেতিয়াও সুখ কিনিব নোৱাৰি। একাংশৰ মতে আকৌ ধন থাকিলে সুখ নিজেই আহে। কিন্তু সচাঁকৈয়ে টকাৰে সুখ কিনিব পাৰিনে? সাম্প্ৰতিক সময়ত এক গৱেষণাত পোহৰলৈ অহা তথ্যমতে টকাই সুখৰ মূল চাবি-কাঠি।
টকাই সুখৰ মূল চাবি-কাঠি সেই কথা প্ৰমাণ কৰি দেখুওৱাইছে এক গৱেষণাই। এককথাত সুখী হ’বলৈ ধন লাগিবই। এই তথ্য দাঙি ধৰিছে নোবেলজয়ী অৰ্থনীতিবিদ ডেনিয়েল কাহনমেনে। অৰ্থনীতিবিদগৰাকীয়ে গৱেষণা পত্ৰত প্ৰকাশ কৰিছে এই কথা। সেই গৱেষণাৰ মূল তত্ত্ব হৈছে কেৱল টকাৰেই জীৱনৰ প্ৰকৃত সুখ আনিব পাৰি। ২০১০ চনত ডেনিয়েল কেহনমেনে সুখৰ বাবে ধনৰ কিমান প্ৰয়োজন সেই কথা সমীক্ষাত প্ৰকাশ কৰিছে।
সমীক্ষাৰ অন্তত প্ৰকাশ কৰামতে ৭৫ হাজাৰ ডলাৰ অৰ্থাৎ ৬২ লাখ টকা থাকিলেই তেওঁ সকলোতকৈ সুখী মানুহ। আয় বাঢ়িলে আনন্দৰ মাত্ৰাও বাঢ়ে। ২০১০ চনত সেই গৱেষণাত ক্ৰেডিট কাৰ্ড বিক্ৰেতা সংস্থাৰ কেইগৰাকীমান লোকৰ ওপৰত গৱেষণা চলোৱা হৈছিল। সেই কোম্পানীটোত কৰ্মচাৰীসকলৰ নূন্যতম বেতন ৬২ লাখ টকা। গৱেষক কেহনমেনে বাখ্যা কৰামতে সুখৰ বহুকেইটা নিৰ্ধাৰক আছে। তাৰ মাজতেই এটা হৈছে ধন বা অৰ্থ। সেই অৰ্থতেই সুখৰ গোপন চাবি-কাঠি লুকাই আছে। যিয়ে মানুহৰ জীৱনত সুখ বঢ়োৱাত সহায় কৰে। সংশ্লিষ্ট বিষয়টোক লৈ আমেৰিকাৰ ১৮ ৰ পৰা ৬৫ বছৰীয়া কেইবাহাজাৰ মানুহৰ মতামত লোৱা হৈছিল। এই সমীক্ষাত প্ৰায় প্ৰতিজনেই ধনতেই সুখ লুকাই আছে বুলি প্ৰকাশ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
