অসম লাইভ২৪ঃ টাটু কৰাটো প্ৰায়সংখ্যক লোকৰেই প্ৰধান চখ। ফেশ্বন জগতত টাটু কৰাটো নতুন এক ফেশ্বন। কিন্তু এই টাটুৰ পৰা হ’ব পাৰে কেইবাটাও ভয়ংকৰ ৰোগ। চিকিৎসকৰ মতে বেছিভাগ মানুহৰেই ধাৰণা যে টাটু অঁকাৰ ৰঙত আৰ্ছেনিক, বেৰিলিয়াম, কেডমিয়াম, পাৰদ, ছীচাৰ আদিৰ দৰে যৌগ আছে। যিয়ে হৃদযন্ত্ৰ, লিভাৰ, হাওঁফাওঁ আৰু কিডনীত প্ৰভাৱ পেলাব পাৰে। সেয়ে স্থায়ীভাৱে টাটু কৰিলে পূৰ্বেই এই শাৰীৰিক সমস্যাসমূহৰ বিষয়ে জানি লোৱাটো প্ৰয়োজন।
এলাৰ্জীৰ সমস্যা
টাটুৰ পৰা বহুতৰেই ছালত এলাৰ্জীৰ সমস্যাই দেখা দিয়ে। টাটুৰ ৰঙত থকা বিভিন্ন ধাতুৰ পৰা খজুলিও হ’ব পাৰে। টাটু কৰোতে যদি ৰঙা পৰি যায় সেই ঠাইতেই খজুলিৰ সমস্যা বাঢ়িব পাৰে।
সংক্ৰমণ
টাটু কৰাৰ সময়ত যথাযথ পৰিস্কাৰ পৰিচ্ছন্নতা মানি চলাটো খুবেই প্ৰয়োজন। ইয়াৰ ফলত নানান ধৰণৰ সংক্ৰমণ হ’ব পাৰে। কেৱল সেয়াই নহয় টাটু কৰোতে বিশেষ বেজীটোৰ পৰা শৰীৰলৈ নানান বেক্টেৰিয়াৰো প্ৰৱেশ ঘটিব পাৰে।
তেজত সংক্ৰমণ
টাটু কৰোতে বেজীয়ে ছাল ফুটুৱাই তেজ উলিওৱা হয় তেনেক্ষেত্ৰত আমাৰ ৰক্তবাহিত নলীতো বিভিন্ন ৰোগৰ সংক্ৰমণ ঘটাৰ সম্ভাৱনা থাকে। টাটু কৰাৰ সময়ত যন্ত্ৰপাতিসমূহ ভালধৰণে পৰীক্ষা কৰি ল’ব লাগে অন্যথা হেপাটাইটিছ বি, চি আৰু এইছআইভিৰ দৰে ৰোগৰ সংক্ৰমণ হোৱাৰো সম্ভাৱনা থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
