নাম মণিকা খান্না৷ স্পাইজেটৰ এগৰাকী কেপ্তেইন৷ এই বিমান পাইলটগৰাকী যেনেদৰে সুন্দৰী ঠিক তেনেদৰে অতি প্ৰত্যুৎপন্নমতি আৰু সপ্ৰতীভ৷ তেওঁৰ প্ৰত্যুৎপন্নমতিতাৰ বাবেই স্পাইজেটৰ ১৮৫ গৰাকীকৈ যাত্ৰী প্ৰাণৰক্ষা পৰে৷ দেশৰ এটা ভয়াৱহ বিমান দুৰ্ঘটনাক ৰক্ষা কৰে এই মণিকা খান্নাই৷
ঘটনাৰ বিৱৰণীৰ মতে যোৱা দেওবাৰে মণিকা খান্নাই বিহাৰৰ পাটনা বিমানবন্দৰত স্পাইচজেটৰ বিমান এছ জি-৭২৩ জৰুৰী অৱতৰণ কৰে। বিমানখনত আছিল ১৮৫ গৰাকী যাত্ৰী। উৰণৰ ঠিক পিছতেই বিমানখনৰ বাওঁফালৰ ইঞ্জিনত জুই জ্বলিবলৈ আৰম্ভ কৰে৷ ইঞ্জিনটোত অগ্নিকাণ্ডৰ সূত্ৰপাত হোৱাৰ পিছতে অতি প্ৰত্যুৎপন্নমতিতাৰে কেপ্তেইন মণিকা খান্নাই জৰুৰীভাৱে পাটনাৰ বিমানবন্দৰত জৰুৰীকালীন অৱতৰণ কৰায়৷
অৱতৰণ কৰাৰ পিছতে বিমানখনৰ সকলো যাত্ৰীকে নিৰাপদে নমোৱা হয় আৰু কোনো লোকৰ মৃত্যু হোৱা নাই বুলি বিভাগীয় বিষয়াসকলে প্ৰকাশ কৰিছে। ঘটনা সন্দৰ্ভত পাটনা জিলা প্ৰশাসন আৰু বিমানবন্দৰৰ বিষয়াসকলে প্ৰদান কৰা বিবৃতিত এই কথা উল্লেখ কৰা হৈছে।
লগতে পঢ়ক সাৱধান! অসম আৰু মেঘালয়ক কেন্দ্ৰীয় বতৰ বিজ্ঞানৰ সাৱধান বাণী
স্থানীয় লোকে শ্বুট কৰা এটা ভিডিঅ’ত বাওঁফালৰ ইঞ্জিনৰ পৰা এটা জুইৰ শিখা নিৰ্গত হোৱা স্পষ্টভাৱে দেখা গৈছে। অতি প্ৰত্যুৎপন্নমতিতাৰে বিমানখন অৱতৰণ কৰি ১৮৫ গৰাকী যাত্ৰীৰ জীৱন ৰক্ষা কৰাৰ বাবে মণিকা খান্নাক সকলোৱে চেল্যুট জনাইছে৷
উল্লেখ্য যে উক্ত বিমানখনৰ কমাণ্ড আছিল কেপ্তেইন মণিকা খান্না। বিমানখনৰ পাইলট-ইন-কমাণ্ড (পিআইচি) কেপ্তেইন মনিকা খান্নাই কোনো আতংকিত নোহোৱাকৈ ক্ষতিগ্ৰস্ত ইঞ্জিনটো বন্ধ কৰি জৰুৰীকালীন অৱতৰণ কৰে।
স্পাইচজেটৰ বিমান পৰিচালনাৰ মুৰব্বী গুৰচৰণ আৰোৰাৰ উদ্ধৃতিৰে বাতৰি সংস্থা এএনআইয়ে প্ৰকাশ কৰা অনুসৰি এই কাণ্ডৰ সময়ত কেপ্তেইন মণিকা খান্না আৰু প্ৰথম বিষয়া বলপ্ৰীত সিং ভাটিয়াই নিজৰ বিশেষ দক্ষতাৰে ১৮৫ গৰাকী যাত্ৰীৰ প্ৰাণ ৰক্ষা কৰে৷
Exclusive Video from inside the plane
This looks very dangerous.#SpiceJet #Patna pic.twitter.com/qRxHlSFGwN
— Govind Pandey (@iGovindPandey) June 19, 2022
লগতে পঢ়ক শোকাৱহ! কৰ্তব্যৰত অৱস্থাতে নিশা বানত উটি গ’ল বিষয়াসহ আৰক্ষী কণিষ্ঠবল, মৃতদেহ উদ্ধাৰ
কেপ্তেইন মণিকা খান্না কোন?
মণিকা খান্না স্পাইচজেট লিমিটেডৰ এগৰাকী উচ্চ যোগ্যতাসম্পন্ন পাইলট। তেওঁৰ ইনষ্টাগ্ৰাম প্ৰফাইল অনুসৰি তেওঁ ভ্ৰমণ কৰি ভাল পায় আৰু ফেশ্বনৰ প্ৰতি তেওঁৰ তীব্ৰ আগ্ৰহ আছে।
দেওবাৰে স্পাইচজেট বয়িং ৭৩৭ বিমানৰ ইঞ্জিনত জুই লাগি যোৱাৰ লগে লগে কেপ্তেইন মণিকা খান্নাই ক্ষতিগ্ৰস্ত ইঞ্জিনটো বন্ধ কৰি দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
