দেশৰ বহু ৰাজ্যত সেনাবাহিনীত নতুন নিযুক্তি আঁচনি ‘অগ্নিপথ’ৰ বিৰোধিতা কৰা হৈছে। কেন্দ্ৰীয় চৰকাৰৰ এই আঁচনিৰ বিৰোধিতা কৰি ৰাজপথলৈ ওলাই আহিছে হাজাৰ হাজাৰ যুৱক-যুৱতী। অগ্নিপথৰ বিৰোধিতাৰে বহু ৰাজ্যত হিংসাত্মক প্ৰতিবাদ বৰ্তমানো অব্যাহত আছে৷ প্ৰতিবাদৰ মাজতে চৰকাৰৰ এই নতুন আঁচনিখনক সেনাবাহিনীত এক বৃহৎ পৰিৱৰ্তন হিচাপে বিবেচনা কৰা হৈছে যদিও মোদী চৰকাৰে সেনাৰ বাবে অনা এইখন প্ৰথম আঁচনি নহয়। ইয়াৰ পূৰ্বেও মোদী চৰকাৰে সেনা বাহিনীত বহু পৰিৱৰ্তন সাধন কৰিছিল৷
নৰেন্দ্ৰ মোদী কেন্দ্ৰত ক্ষমতাত থকা যোৱা ৮ বছৰত তেওঁৰ চৰকাৰে এনে কেতবোৰ সলনিৰ বাবে বহু পদক্ষেপ গ্ৰহণ কৰিছে। মোদী চৰকাৰে যোৱা ৮ বছৰত সেনাবাহিনীত কৰা ৫ টা ডাঙৰ পৰিৱৰ্তন তলত উল্লেখ কৰা হৈছে।
লগতে পঢ়ক সুন্দৰী কেপ্তেইন মণিকা খান্না, কেনেকৈ প্ৰাণৰক্ষা কৰিলে ১৮৫ যাত্ৰীৰ? চাওক ভিডিঅ’
১. ৱান ৰেংক ৱান পেঞ্চন: ক্ষমতালৈ অহাৰ লগে লগে মোদী চৰকাৰে সেনাবাহিনীত কৰা প্ৰথম পৰিৱৰ্তনটো আছিল ৱান ৰেংক ৱান(এক পদ এক পেঞ্চন) পেঞ্চন। ২০১৫ চনৰ ৭ নৱেম্বৰত ৱান ৰেংক ৱান পেঞ্চনৰ অধিসূচনা প্ৰকাশ কৰা হৈছিল। চৰকাৰৰ এই আঁচনিখন বিভিন্ন সময়ত অৱসৰ লোৱা একে ৰেংকৰ জোৱানৰ একেটা পেঞ্চনৰ নীতি প্ৰৱৰ্তন কৰা হৈছিল। ২০১৪ চনৰ ১ জুলাইৰ পৰা ৱান ৰেংক ৱান পেঞ্চন কাৰ্যকৰী কৰা হৈছিল। চৰকাৰৰ এই আঁচনিৰ পৰা ২০ লাখৰো অধিক প্ৰাক্তন সেনা জোৱানে সুবিধা লাভ কৰিছে।
২. চিডিএছৰ নিযুক্তি: মোডী চৰকাৰে দ্বিতীয় কাৰ্যকালত নিযুক্তি দিয়ে চীফ অৱ ডিফেন্স ষ্টাফ (চিডিএছ)। ২০১৯ চনত প্ৰধানমন্ত্ৰী নৰেন্দ্ৰ মোদীয়ে স্বাধীনতা দিৱসৰ ভাষণত কৈছিল, ‘‘আমাৰ সেনাবাহিনী ভাৰতৰ গৌৰৱ। তিনিওটা সেনাৰ মাজত সমন্বয় আৰু অধিক তীব্ৰতৰ কৰিবলৈ মই লালকিল্লাৰ পৰা এটা ডাঙৰ সিদ্ধান্ত ঘোষণা কৰিব বিচাৰিছো। আৰু এয়া হৈছে চীফ অৱ ডিফেন্স ষ্টাফ৷’’
ইয়াৰ পিছত ২০১৯ চনৰ ২৪ ডিচেম্বৰত এই পদটো প্ৰৱৰ্তন কৰা হয়। দেশৰ প্ৰথম চিডিএছ হিচাপে নিযুক্তি দিয়া হৈছিল জেনেৰেল বিপিন ৰাৱটক। যোৱা বছৰৰ ডিচেম্বৰ মাহত হেলিকপ্টাৰ দুৰ্ঘটনাত তেওঁৰ মৃত্যু হৈছিল।
লগতে পঢ়ক শোকাৱহ! কৰ্তব্যৰত অৱস্থাতে নিশা বানত উটি গ’ল বিষয়াসহ আৰক্ষী কণিষ্ঠবল, মৃতদেহ উদ্ধাৰ
৩. স্বদেশীৰ প্ৰচাৰ: ২০২০ চনৰ ৯ আগষ্টত মোদী চৰকাৰে বহিঃদেশৰ পৰা ১০০ তকৈ অধিক সামৰিক সামগ্ৰী ক্ৰয় কৰাত নিষেধাজ্ঞা আৰোপ কৰে। স্বাৱলম্বী ভাৰতৰ অধীনত থলুৱা সামগ্ৰীৰ প্ৰচাৰৰ বাবে এই কাম কৰা হৈছিল।
৪. নতুন থিয়েটাৰ কমাণ্ড সৃষ্টিৰ প্ৰস্তুতি: ২০২২ চনৰ ১৫ আগষ্টত দেশত প্ৰথমটো ইন্টিগ্ৰেটেড থিয়েটাৰ কমাণ্ড আৰম্ভ হোৱাৰ সম্ভাৱনা আছে। তিনিওটা সেনাক একেখন চালিৰ তলত আনি উন্নত সমন্বয়ৰ বাবে নতুন থিয়েটাৰ কমাণ্ড বনাইছে চৰকাৰে।
লগতে পঢ়ক সাৱধান! অসম আৰু মেঘালয়ক কেন্দ্ৰীয় বতৰ বিজ্ঞানৰ সাৱধান বাণী
৫. অগ্নিপথ আঁচনি: সেনাৰ বাবে চৰকাৰৰ এইখন নতুন আঁচনি। এই আঁচনিৰ অধীনত অগ্নিবীৰসকলক ৪ বছৰলৈ সেনাবাহিনীত নিযুক্তি দিয়া হ’ব। কিন্তু কৰ্মক্ষমতাৰ ভিত্তিত ২৫% অগ্নীবীৰক সেনা বাহিনীত বাহাল ৰাখিব পৰা যাব। অৰ্থাৎ ৪ বছৰৰ পাছতো তেওঁৰ চাকৰি সেনাবাহিনী বাহাল থাকিব। ইয়াক সেনাবাহিনীৰ এক বৃহৎ পৰিৱৰ্তন আখ্যা দিয়া গৈছে।
যোৱা ১৪ জুনত চৰকাৰে বৰ্তমানৰ প্ৰক্ৰিয়াটো বাতিল কৰি চাৰি বছৰৰ বাবে সশস্ত্ৰ বাহিনীত সৈনিক নিযুক্তিৰ বাবে অগ্নিপথ আঁচনিৰ ঘোষণা কৰে। অগ্নিবীৰসকলৰ বয়সৰ সীমা ১৭.৫ বছৰৰ পৰা ২১ বছৰলৈ নিৰ্ধাৰণ কৰা হৈছিল। ইয়াৰ ফলত বহু ৰাজ্যত বৃহৎ পৰিমাণৰ প্ৰতিবাদ আৰু হিংসাত্মক পৰিস্থিতিৰ সৃষ্টি হৈছে। পিছত প্ৰতিৰক্ষা মন্ত্ৰালয়ে প্ৰথম নিযুক্তিৰ বাবে বয়স শিথিল কৰাৰ কথা ঘোষণা কৰে। চৰকাৰে প্ৰথমবাৰৰ বাবে নিযুক্তিৰ বাবে সৰ্বোচ্চ বয়স ২৩ বছৰ নিৰ্ধাৰণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
