ডাকঘৰে সময়ে সময়ে অতি উপযোগী আঁচনি মুকলি কৰে, যিসমূহক আমি চুপাৰহিট আঁচনি বুলি ক’ব পাৰো। আজি ইয়াত আমি ডাকঘৰৰ এনে এটা ছুপাৰহিট আঁচনিৰ বিষয়ে ক’বলৈ আগবাঢ়িছো৷ এই আঁচনিৰ অধীনত (Post Office MIS Scheme Benefits) আপুনি এককালীনভাৱে ধন জমা কৰি আৰু তাৰ পিছত আপুনি প্ৰতিমাহে পেঞ্চন হিচাপে সুতৰ ধন লাভ কৰি থাকিব। আনহাতে, মেচিউৰিটিৰ পিছত আপুনি জমা কৰা এককালীন ধনো ডাকঘৰে আপোনাক ঘূৰাই দিব।
এই আঁচনিখন কি?
ডাকঘৰৰ এই আঁচনিখন হ’ল— ডাকঘৰৰ মাহেকীয়া আয় আঁচনি(MIS)। এই আঁচনিখনত ১০০০ পৰা আপুনি সৰ্বাধিক ৪.৫ লাখ টকা জমা কৰিব পাৰিব। অৱশ্যে যৌথ একাউণ্ট হ’লে সৰ্বোচ্চ ৯ লাখ টকা জমা কৰিব পাৰিব।
এই আঁচনিৰ অধীনত সৰ্বাধিক তিনিজন লোকে যৌথ একাউণ্ট খুলিব পাৰে। লগতে সন্তান যদি নাবালক হয় তেন্তে পিতৃ-মাতৃৰ নামত একাউণ্ট খুলিব পাৰিব। অৱশ্যে ১০ বছৰৰ পিছত সন্তানৰ নামতো ডাকঘৰৰ MIS একাউণ্ট খুলিব পাৰি।
লগতে পঢ়ক শোকাৱহ! কৰ্তব্যৰত অৱস্থাতে নিশা বানত উটি গ’ল বিষয়াসহ আৰক্ষী কণিষ্ঠবল, মৃতদেহ উদ্ধাৰ
এই আঁচনিৰ অধীনত মাহেকীয়া ধন পৰিশোধ কৰা হয়। বৰ্তমান ইয়াৰ সুতৰ হাৰ ৬.৬ শতাংশ। বাৰ্ষিক ভিত্তিত সুতৰ হিচাপ কৰা হয়। কিন্তু, যদি একাউণ্টধাৰীয়ে ইয়াত মাহিলী সুতৰ দাবী নকৰে, তেন্তে তেওঁ এই ধনৰ ওপৰত অতিৰিক্ত সুতৰ সুবিধা নাপাব।
এই ডাকঘৰ আঁচনিখন ৫ বছৰত মিচিউৰিটি হ’ব। একাউণ্ট খোলাৰ এবছৰ নোহোৱালৈকে ইয়াৰ পৰা টকা উলিয়াব নোৱাৰিব। যদি আপুনি ১-৩ বছৰৰ ভিতৰত বন্ধ কৰিব বিচাৰে তেন্তে আপোনাৰ মূল ধনৰ ২% কৰ্তন কৰা হ’ব। একে সময়তে ৩-৫ বছৰৰ ভিতৰত একাউণ্ট বন্ধ কৰিলে ১ শতাংশ জৰিমনা কৰ্তন কৰা হ’ব।
লগতে পঢ়ক সাৱধান! অসম আৰু মেঘালয়ক কেন্দ্ৰীয় বতৰ বিজ্ঞানৰ সাৱধান বাণী
এমআইএছৰ অনুসৰি যদি কোনোবাই এবাৰ এই একাউণ্টত ৫০ হাজাৰ টকা জমা কৰে তেন্তে প্ৰতিমাহে পাব ২৭৫ টকা অৰ্থাৎ প্ৰতি বছৰে ৩৩০০ টকা পাব। অৰ্থাৎ পাঁচ বছৰৰ পাছত মুঠ ১৬,৫০০ টকা সুত হিচাপে পাব। একেদৰে যদি কোনোবাই ১ লাখ টকা জমা কৰে তেন্তে তেওঁ প্ৰতিমাহে ৫৫০ টকা, প্ৰতি বছৰে ৬৬০০ টকা আৰু পাঁচ বছৰত ৩৩,০০০ টকা লাভ কৰিব। এই আঁচনিত ৪.৫ লাখ টকা জমা কৰিলে ৫ বছৰত মাহেকীয়া ২৪৭৫ টকা, বছৰি ২৯,৭০০ টকা আৰু সুত হিচাপে ১,৪৮,৫০০ টকা পাব।
এই আঁচনিখনৰ কোনো একাউণ্টধাৰীৰ মেচিউৰিটিৰ আগতেই মৃত্যু হয়, তেন্তে এই একাউণ্টটো বন্ধ হৈ যায়। এনে অৱস্থাত মূল ধনৰাশি মনোনীত ব্যক্তিক ঘূৰাই দিয়া হয়। এই আঁচনিত জমা কৰিলে ধাৰা ৮০চিৰ অধীনত কৰ্তনৰ সুবিধা নাপাব। ডাকঘৰৰ পৰা ধন উলিওৱাৰ সময়ত বা সুতৰ আয়ৰ ক্ষেত্ৰতো টিডিএছ কৰ্তন কৰা নহয়। অৱশ্যে এই সুতৰ আয় সম্পূৰ্ণ কৰযোগ্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ