অসম লাইভ২৪ঃ দেশত দিনকদিনে বাঢ়িছে শিশু পৰ্ণগ্ৰাফীৰ প্ৰসাৰ। এই প্ৰসাৰ দূৰীকৰণৰ বাবে চেষ্টা চলাই থকা হৈছে যদিও সম্পূৰ্ণৰূপে দূৰীকৰণ এতিয়াও সম্ভৱ হৈ উঠা নাই। শেহতীয়াভাৱে এই দৌৰাত্ম ৰোধৰ বাবে বিশেষ অভিযান আৰম্ভ কৰিছে CBI-য়ে। দেশত ‘মেঘচক্ৰ অভিযান’ নামেৰে অভিযান আৰম্ভ কৰিছে CBI-এ। মেঘচক্ৰ অভিযানত দেশৰ ২০খন ৰাজ্যৰ ৫৬ টা স্থানত অভিযান আৰম্ভ কৰিছে CBI-এ।
বিগত কিছু সপ্তাহত চলোৱা এক সমীক্ষাৰ ভিত্তিতেই এই অভিযান আৰম্ভ কৰিছে CBI-এ। চাইবাৰ নেটৱৰ্কিং চাইটযোগে চলোৱা সমীক্ষাত পোহৰলৈ অহা তথ্য অনুসৰি একাধিক মোবাইলত শিশু পৰ্ণগ্ৰাফী ডাউনলোড হোৱাৰ তথ্য পোহৰলৈ আহিছে। কেৱল ডাউনলোড কৰাই নহয় এনে ভিডিঅ’ কম্পিউটাৰ যোগে এজনৰ পৰা আনজনলৈ আদান প্ৰদানো কৰা বুলি CBI-এ তেওঁলোকৰ প্ৰতিবেদনত প্ৰকাশ কৰিছে ।
ছিংগাপুৰ, নিউজিলেণ্ডত চলোৱা ইণ্টাৰপুলৰ ভিত্তিত অভিযান আৰম্ভ কৰা CBI-এ দেশত শিশু সৰবৰাহকাৰী চক্ৰইয়ো বাহৰ পতাৰ কথা উল্লেখ কৰিছে। ইপিনে সামাজিক মাধ্যমতো দিনকদিনে বৃদ্ধি পাইছে শিশু পৰ্ণগ্ৰাফীৰ প্ৰচাৰ। ফেচবুক, টুইটাৰ, ইউটিউবকে ধৰি ৬ সামাজিক মাধ্যমত পর্ণগ্ৰাফীৰ প্ৰসাৰ বৃদ্ধিকলৈ উচ্চতম ন্যায়ালয়ত গোচৰ তৰিছিল এটা সংস্থাই। সংস্থাৰ গোচৰৰ পিছতেই ১৯ চেপ্টেম্বৰত উচ্চতম ন্যায়ালয়ে এই ৬ সামাজিক মাধ্যমৰ স্বত্বাধিকাৰীলৈ জৱাব দিবলৈ জাননী প্ৰেৰণ কৰিছে।
উল্লেখ্য যে পূৰ্বেও দেশৰ ১৪ ৰাজ্যত CBI-য়ে পৰ্ণগ্ৰাফীৰ বিৰুদ্ধে অভিযান চলাইছিল। এই অভিযানকালত শিশু পৰ্ণগ্ৰাফী প্ৰচাৰত জড়িত ৫০০০ৰো অধিক লোকক গ্ৰেপ্তাৰ কৰা হৈছিল।
২০১৯ চনত CBI-এ পৰ্ণগ্ৰাফীৰ বিৰুদ্ধে অভিযান চলাবলৈ এই বিশেষ টিম তৈয়াৰ কৰিছিল। চাইবাৰ নেটৱৰ্কিং চাইটযোগে প্ৰত্যেকসময়তেই নজৰ ৰাখে এই টিমটোৱে। জাতীয় শিশু অধিকাৰ সংৰক্ষণ কমিছনে ইণ্টাৰনেট শিশু পৰ্ণগ্ৰাফীক লৈ উদ্বেগ প্ৰকাশ কৰাৰ পিছতেই CBI-এ এই সন্দৰ্ভত তৎপৰতাৰে অভিযান চলোৱা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
