পিচিবিৰ অধ্যক্ষ হোৱাৰ বৰ হেঁপাহ, বডো-বডী গায়কেহে বোলে লাইনত আনিব পাৰিব পাকিস্তান ক্ৰিকেট দলক
বডো-বডী গানেৰে নিশাটোৰ ভিতৰতে জনপ্ৰিয় হোৱা চাহত ফতেহ আলী খানৰ এইবাৰ পাকিস্তান ক্ৰিকেট দলক লৈ চাঞ্চল্যকৰ মন্তব্য। পাকিস্তান ক্ৰিকেট বৰ্ডৰ অধ্যক্ষ হ’ব বিচাৰে বডো বডী গায়কে। তেঁওহে বোলে পাকিস্তান দলটোক লাইনত আনিব পাৰিব।
বৰ্তমান মহছিন নাকভি পিচিবিৰ মুৰব্বী, যি আভ্যন্তৰীণ পৰিক্ৰমা মন্ত্ৰীও। চাহাটে বিচাৰিছে নকভিয়ে তেওঁৰ বাবে পিচিবিৰ অধ্যক্ষ পদ এৰি দিয়ক, কিয়নো ইতিমধ্যে নকৱীৰ গুৰুত্বপূৰ্ণ দায়িত্ব আছে। বাবৰ আজমৰ নেতৃত্বাধীন পাকিস্তান দলটো চলিত টি-২০ বিশ্বকাপৰ পৰা বাহিৰ হোৱাৰ পিছত চাহত ফাতেহৰ এই বক্তব্য।
চাহত ফাতেহে ক’লে- পিচিবি আৰু ক্ৰিকেট দলটোক সঠিক পথত আনিবলৈ মই সাজু। যদি মোক সভাপতি নিযুক্তি দিয়া হয় তেন্তে মই ব্যক্তিগতভাৱে খেলুৱৈসকলৰ প্ৰদৰ্শন নিৰীক্ষণ কৰিম। ইয়াৰ উপৰিও সপ্তাহত চাৰিদিন দলটোক প্ৰশিক্ষক হিচাপেও চাই দিম। দলত অনুশাসন বজাই ৰাখিম আৰু কোনো ধৰণৰ হস্তক্ষেপ সহ্য নকৰো।
লগতে ইয়াকো কয় যে, – ‘মই নকৱীক সমালোচনা কৰা নাই। মই মাত্ৰ বিচাৰো যে তেওঁ মোৰ প্ৰস্তাৱটো বিবেচনা কৰক। যিহেতু তেওঁ গুৰুত্বপূৰ্ণ দায়িত্ব থকা মন্ত্ৰীও, গতিকে তেওঁ পিচিবিৰ অধ্যক্ষৰ পদ মোৰ হাতত অৰ্পণ কৰা উচিত বুলি মোৰ বিশ্বাস। এইটো মহছিন নাকৱীক অপমান নহয় যদিও পিচিবিৰ অধ্যক্ষ পদ তেওঁৰ বাবে নহয়।
উল্লেখ্য যে, বৰ্তমানে সুৰ-তাল নোহোৱা গান গাই চাৰিওফালে জনপ্ৰিয় হোৱা পাকিস্তানৰ এইগৰাকী লোকে এটা সময়ত পাকিস্তান ক্ৰিকেট দলৰ সদস্য আছিল। ক্ৰিকেট খেলুৱৈ হিচাপে নাম আছিল চাহত ফাতেহ আলী খানৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
