২০২৬ চনত পৃথিৱীবাসী কেইটাকৈ চন্দ্ৰগ্ৰহণৰ সাক্ষী হ’ব, আৰু কেতিয়া গ্ৰহণ লাগিব
সূৰ্যগ্ৰহণ আৰু চন্দ্ৰগ্ৰহণক জ্যোতিৰ্বিজ্ঞানৰ পৰিঘটনা বুলি গণ্য কৰা হয়। অৱশ্যে জ্যোতিষ আৰু ধৰ্মতো সূৰ্য আৰু চন্দ্ৰগ্ৰহণৰ কথা উল্লেখ আছে। বিজ্ঞানৰ মতে পৃথিৱী, সূৰ্য্য আৰু চন্দ্ৰ একেডাল সৰলৰেখাত উপস্থাপন হ’লে চন্দ্ৰগ্ৰহণ হয়, যাৰ ফলত পৃথিৱীৰ ছাঁ চন্দ্ৰৰ ওপৰত পৰে আৰু চন্দ্ৰ পৃথিৱীৰ সম্পূৰ্ণ পিছফালে অৱস্থান কৰে।
সাধাৰণতে পূৰ্ণিমাৰ নিশা চন্দ্ৰগ্ৰহণ হয়। পাছে ২০২৬ চনত কেতিয়া আৰু কিমান চন্দ্ৰগ্ৰহণ হ’ব তথা পৃথিৱীবাসী কেইটাকৈ গ্ৰহণৰ সাক্ষী হৈ ৰব। লগতে ইয়াৰে কেই চন্দ্ৰগ্ৰহণ ভাৰতৰ পৰা দেখা যাব।
২০২৬ চনত মুঠ দুটা চন্দ্ৰগ্ৰহণ হ’ব, মাৰ্চ মাহত প্ৰথম চন্দ্ৰগ্ৰহণ আৰু আগষ্ট মাহত দ্বিতীয়টো চন্দ্ৰগ্ৰহণ হ’ব। ইয়াত এটা সম্পূৰ্ণ আৰু আনটো আংশিক চন্দ্ৰগ্ৰহণ হ’ব।
প্ৰথম চন্দ্ৰগ্ৰহণ- ২০২৬ চনৰ প্ৰথমটো চন্দ্ৰগ্ৰহণ ৩ মাৰ্চ মঙলবাৰে হ’ব। প্ৰথমটো গ্ৰহণ হ’ব আংশিক চন্দ্ৰগ্ৰহণ। ভাৰতীয় সময় অনুসৰি গ্ৰহণ সন্ধিয়া ৬:২৬ বজাৰ পৰা আৰম্ভ হৈ সন্ধিয়া ০৬:৪৬ বজাত অন্ত পৰিব। সূৰ্যগ্ৰহণৰ মুঠ সময়সীমা হ’ব ২০ মিনিট ২৮ ছেকেণ্ড।
এই সূৰ্যগ্ৰহণ এছিয়া, অষ্ট্ৰেলিয়া আৰু উত্তৰ আৰু দক্ষিণ আমেৰিকাৰ দৰে দেশৰ পৰা দেখা যাব। ভাৰততো দৃশ্যমান হব এই গ্ৰহণ, ভাৰতৰ পৰা দেখা পোৱাৰ বাবে চন্দ্ৰগ্ৰহণৰ সুতক কাল ভাৰতত বৈধ হ’ব। পুৱা ০৯:৩৯ বজাৰ পৰা আৰম্ভ হ’ব সুতক কাল আৰু সন্ধিয়া ০৬:৪৬ বজাত শেষ হ’ব।
দ্বিতীয় চন্দ্ৰগ্ৰহণ- ২০২৬ চনৰ দ্বিতীয় চন্দ্ৰগ্ৰহণ ২৮ আগষ্ট শুকুৰবাৰে হব। কিন্তু দ্বিতীয়টো গ্ৰহণ ভাৰতৰ পৰা দেখা নাযাব। গতিকে ইয়াৰ সুতক কালো ভাৰতত বৈধ নহ’ব। উত্তৰ আৰু দক্ষিণ আমেৰিকা, ইউৰোপ আৰু আফ্ৰিকাৰ দৰে ঠাইৰ পৰা এই চন্দ্ৰগ্ৰহণ দেখা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
