দেশৰ মুঠ ঘৰুৱা উৎপাদনৰ হাৰ হ্ৰাস হ’লেও ভাৰতৰ প্ৰতিবেশী ৰাষ্ট্ৰ চীনে প্ৰতিৰক্ষা শিতানৰ ব্যয় বৃদ্ধি কৰিছে৷ শনিবাৰে বেইজিঙত চীনৰ প্ৰধানমন্ত্ৰী লি কেকিয়াঙে ঘোষণা কৰিছে যে চীনে বিগত বৰ্ষতকৈ আগন্তুক বিত্তীয় বৰ্ষৰ প্ৰতিৰক্ষা শিতানৰ ব্যয় ৭.১ শতাংশ বৃদ্ধি কৰিছে৷
বেইজিঙৰ গ্ৰেট হল অৱ দ্য পিপলছ ৰাষ্ট্ৰীয় আইন সভাৰ বাৰ্ষিক অধিৱেশনত বাজেট উপস্থাপন কৰাৰ সময়ত চীনৰ প্ৰধানমন্ত্ৰীগৰাকীয়ে কয় যে ২০২২ বৰ্ষত চীনে সামৰিক খণ্ডত ২৩,০০০ কোটি ডলাৰ (ভাৰতীয় মূল্যত প্ৰায় ১৭,৫৭,৭৮৭ কোটি) ব্যয় কৰিব৷
উল্লেখ্য যে লাডাখ আৰু টাইৱানৰ চাৰিওফালে চীনে আগ্ৰাস চলাই সামৰিক উত্তেজনা সৃষ্টি কৰাৰ পিছৰে পৰা চীনে ক্ৰমশঃ প্ৰতিৰক্ষা শিতানৰ ব্যয় বৃদ্ধি কৰি আহিছে৷ কিন্তু এই উত্তেজনাক অধিক তৰান্বিত কৰি এইবাৰ চীনে ২০০ বিলিয়ন ডলাৰৰো অধিক প্ৰতিৰক্ষা ব্যয় বৃদ্ধি কৰিছে৷ চলিত বৰ্ষত এই বৃদ্ধিৰ পৰিমাণ হৈছে ৭.১ শতাংশ৷
লগতে পঢ়ক বৃহৎ স্বতি ইউক্ৰেইনৰ লগতে বিশ্ববাসীৰ : ৰাছিয়াই ঘোষণা কৰিলে যুদ্ধ বিৰতি
এই বৃ্দ্ধিৰ হাৰ চীনৰ মুঠ ঘৰুৱা উৎপাদনতকৈ অধিক৷ চীনৰ মুঠ ঘৰুৱা উৎপাদন হৈছে ৫.৫ শতাংশ৷ এই হাৰ হৈছে যোৱা এটা দশকত চীনৰ মুঠ ঘৰুৱা উৎপাদনৰ সৰ্বনিম্ন হাৰ৷
যোৱা এটা দশকৰ ভিতৰত দেশখনৰ মুঠ ঘৰুৱা উৎপাদনৰ হাৰ সৰ্বনিম্ন হোৱাৰ পিছতো প্ৰতিৰক্ষা ব্যয় ৭.১ শতাংশ বৃদ্ধিয়ে ভাৰতৰ বাবেও উদ্বেগজনক বুলিয়েই বিবেচিত হৈছে৷ কিয়নো যোৱা দুটা বছৰৰ পৰা চীনে লাডাখৰ পৰা অৰুণাচল প্ৰদেশলৈকে ভাৰতৰ সীমান্তত আগ্ৰাসনৰ প্ৰচেষ্টা চলাই আহিছে৷
অৱশ্যে, পশ্চিমীয়া সামৰিক পৰ্যবেক্ষকসকলে বিশ্বাস কৰে যে চীনৰ একদলীয় কমিউনিষ্ট পাৰ্টি পৰিচালিত চৰকাৰে প্ৰতিৰক্ষা খণ্ডত বহু বেছি ব্যয় কৰে।
লগতে পঢ়ক সমগ্ৰ ইউক্ৰেইনতে নহয়, মাত্ৰ দুখন চহৰতে কিয় ৰাছিয়াৰ এই সাময়িক যুদ্ধবিৰতি?
চুইডেনৰ প্ৰতিৰক্ষা গৱেষণা সংস্থা ষ্ট’কহম আন্তঃৰাষ্ট্ৰীয় শান্তি গৱেষণা প্ৰতিষ্ঠানৰ ২০২১ চনৰ প্ৰতিবেদন অনুসৰি, ২০২০ চনত চীনৰ সামৰিক খণ্ডৰ প্ৰকৃত ব্যয় আছিল ২,৫২,০০০ নিযুত ডলাৰ (প্ৰায় ২২,৭১,৮৪৪ কোটি টকা)।
চীন সেই বৰ্ষত প্ৰতিৰক্ষা ব্যয়ৰ তালিকাত দ্বিতীয় স্থানত আছিল। প্ৰথম স্থানত থকা আমেৰিকা যুক্তৰাষ্ট্ৰৰ সেই বৰ্ষৰ সামৰিক ব্যয় ৭৭.৮ বিলিয়ন ডলাৰ (প্ৰায় ৫৮,৮৩,৪০৫ কোটি টকা) আৰু তৃতীয় স্থানত থকা ভাৰতে ৭,২৯০ নিযুত ডলাৰ (প্ৰায় ৬,৫৭,২১২ কোটি টকা) ব্যয় কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
