সামাজিক মাধ্যমত দ্ৰুত গতিত ভাইৰেল, গছক সাৱটি ধৰাৰ বাবদ ১৫০০ টকা মাচুল
সদ্যহতে সামাজিক মাধ্যমত ভাইৰেল হৈ পৰিছে এক এনে বিজ্ঞাপন, যি দেখি হতচকিত হৈ পৰিছে বহু লোক। গছ এজোপা সাৱটি ধৰাৰ বাবে ভৰিব লাগিব ১৫০০ টকা মাচুল।
ব্যস্ততাপূৰ্ণ আধুনিক জীৱনশৈলীৰ বাবে আজিকালিৰ সময়ত প্ৰকৃতিৰ পৰা বহু দূৰ হৈ পৰিছে সাধাৰণ লোক। কেৱল কৰ্ম জীৱন হৈ পৰিছে একমাত্ৰ কাম। যাৰ বাবে বহু লোক অধিক চাপত থকাৰ ফলত মানসিক ৰোগতো পৰা দেখা যায়।
পাছে এক গৱেষণাত প্ৰমাণিত হৈছে প্ৰকৃতিৰ সৈতে অধিক সময় কটোৱা লোক সকলৰ জীৱনত মানসিক চাপ বহু কম থাকে। কিছু লোকৰ নথকাৰ দৰেই। প্ৰাকৃতিক পৰিৱেশত সময় কটালে উদ্বেগ আৰু হতাশাৰ অনুভূতি হ্ৰাস পাব পাৰে।
https://x.com/AJayAWhy/status/1780167988504625242
শেহতীয়াকৈ দেশত সংঘটিত এক ঘটনাই অনলাইন বিতৰ্কৰ সৃষ্টি কৰিছে। বেংগালুৰুৰ এটা কোম্পানীয়ে ১৫০০ টকা মাচুলৰ বিনিময়ত প্ৰকৃতিৰ মাজত কিছু সময় কটোৱাৰ ক্ষেত্ৰত মানুহক অফাৰ আগবঢ়াইছে। ইয়াৰ ফলত একাংশ ছ’চিয়েল মিডিয়া ব্যৱহাৰকাৰী ক্ষুব্ধ হৈ পৰিছে। কোম্পানীটোৰ বিজ্ঞাপন আৰু ইয়াৰ মূল্যৰ স্ক্ৰীণশ্বট ভাইৰেল হৈ পৰিছে।
মাইক্ৰ’ব্লগিং চাইট এক্সত স্ক্ৰীণশ্বটটো শ্বেয়াৰ কৰি জোলাদ ৰ’ট্টি নামৰ এজন ব্যৱহাৰকাৰীয়ে লিখিছে, ‘বেব, সাৰ পোৱা! বজাৰলৈ আহিছে নতুন কেলেংকাৰী’। এই পোষ্টটো ভাইৰেল হৈ অনলাইনত বিতৰ্কৰ সূচনা কৰে। ইয়াৰ উপৰিও মন্তব্যৰ অংশত একেজন ব্যৱহাৰকাৰীয়ে লিখিছে, ‘আপুনি গছক সাৱটি ধৰি প্ৰকৃতিৰ সৈতে সংযোগ স্থাপন কৰে আৰু ইয়াৰ ছাঁত সময় কটায়। এই সকলোবোৰ ভাল, কিন্তু ৰাজহুৱা সম্পত্তিৰ এটা ঠাইত ১৫০০ টকাৰ মাচুল অযুক্তিকৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
