দেশজুৰি তীব্ৰ বিতৰ্কৰ সৃষ্টি কৰা ছবি দ্য কাশ্মীৰ ফাইলছৰ বিৰুদ্ধে মন্তব্য কৰি আম আদমি পাৰ্টিৰ মুখ্য আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে বিজেপি কৰ্মীৰ ৰোষত পৰিছে৷
বুধবাৰে দ্য কাশ্মীৰ ফাইলছৰ বিৰুদ্ধে অপমানজনক মন্তব্য কৰাৰ অভিযোগ তুলি কিছুসংখ্যক বিজেপি কৰ্মীয়ে দিল্লীৰ মুখ্যমন্ত্ৰী অৰবিন্দ কেজৰিৱালৰ বাসভৱনত আক্ৰমণ কৰে৷
দিল্লীৰ উপ মুখ্যমন্ত্ৰী মনীষ চিছোডিয়াই সামাজিক মাধ্যমত কয় যে বিজেপি কৰ্মীয়ে দিল্লীৰ মুখ্যমন্ত্ৰী বাসভৱনত আক্ৰমণ সংঘটিত কৰিছে৷ উপ মুখ্যমন্ত্ৰী চিচোডিয়াই সমাজ বিৰোধী চক্ৰই নিৰাপত্তাৰক্ষীৰ বেহু ফালি মুখ্যমন্ত্ৰীগৰাকীৰ বাসভৱত আক্ৰমণ সংঘটিত কৰা বুলিও অভিযোগ কৰিছে৷
লগতে পঢ়ক গৰু বা গাখীৰ বিক্ৰী কৰি নহয়, গোবৰেৰে তৈয়াৰী সামগ্ৰীৰ পৰা ৩৬ লাখ টকা উপাৰ্জন!
আনহাতে, আম আদমি পাৰ্টিয়েও উক্ত ভিডিঅ’টো টুইটাৰত শ্বেয়াৰ কৰি আৰক্ষী উপস্থিতিতে নিৰাপত্তা বেহু ভাঙি মুখ্যমন্ত্ৰী কেজৰিৱালৰ বাসভৱনত আক্ৰমণ সংঘটিত কৰাৰ অভিযোগ কৰিছে৷
আপ-এ শ্বেয়াৰ কৰা ৩৫ ছেকেণ্ডৰ এটা ভিডিঅ’ ক্লীপটোত কিছুসংখ্যক লোকে নিৰাপত্তাৰক্ষীৰ বাধাকো উপেক্ষা কৰি মুখ্যমন্ত্ৰী অৰবিন্দ কেজৰিৱালৰ বাসভৱনৰ গেটত আক্ৰমণ কৰা দেখা গৈছে৷
বিজেপিয়ে দিল্লী বিধানসভা বাজেট অধিবেশনত দিল্লীৰ মুখ্যমন্ত্ৰী কেজৰিৱালে বিবেক অগ্নিহোত্ৰীৰ দ্য কাশ্মীৰ ফাইলছ ছবিখনকলৈ আপত্তিজনক মন্তব্য কৰাৰ অভিযোগ কৰি আহিছে৷ বিজেপিৰ মতে দিল্লীৰ মুখ্যমন্ত্ৰীগৰাকীয়ে কেৱল দ্য কাশ্মীৰ ফাইলছৰ বিৰুদ্ধেই আপত্তিজনক মন্তব্য কৰা নাই, কেৰজিৱালে কাশ্মীৰৰ নিৰ্যাতিত পণ্ডিতসকলৰ লগতে হিন্দুসকলকো অপমান কৰিছে৷
লগতে পঢ়ক আৰিয়ান খান ড্ৰাগছ কেচ : ছমাহতো ব্যৰ্থ, NCBক লাগে আৰু ৯০ দিন!
স্মৰ্তব্য যে দিল্লী বিধানসভাৰ বাজেট অধিবেশনৰ উপ ৰাজ্যপালৰ ভাষণৰ সময়ত বিজেপিৰ বিধায়কে দিল্লীত দ্য কাশ্মীৰ ফাইলছৰ কৰ ৰেহাই দিবলৈ দাবী জনাইছিল৷
ইয়াৰ পত্যুত্তৰ দিবলৈ গৈ দিল্লীৰ মুখ্যমন্ত্ৰীগৰাকীয়ে দ্য কাশ্মীৰ ফাইলছক এখন ভুৱা ছবি বুলি অভিহিত কৰি ইউটিউবত আপলোড কৰি দেশৰ জনতাক বিনামূলীয়াকৈ দেখুওৱালৈ বিজেপিৰ বিৰুদ্ধে টিপ্পনী মাৰে৷
ইমানেই নহয়, কেজৰিৱালে বিজেপি কৰ্মীসকলে দ্য কাশ্মীৰ ফাইলছৰ পোষ্টাৰ লগাই ফুৰা বুলিও কটাক্ষ কৰে৷ বিজেপি কৰ্মীসকলৰ বিবেক নাই বুলি তাচ্ছিল্যসূচক মন্তব্য কৰি কেজৰিৱালে কৈছিল ‘‘আপোনালোকে আগৰ বিবেকটো খুলি থৈ আম আদমি পাৰ্টিত যোগ দিয়ক’’৷
এই কথাতে ক্ষুণ্ণ হৈ দিল্লীৰ একাংশ বিজেপি কৰ্মীয়ে দিল্লীৰ মুখ্যমন্ত্ৰী অৰবিন্দ কেজৰিৱালৰ বাসভৱনত আক্ৰমণ কৰা বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
