অসম লাইভ ২৪ঃ ১৯৯৫ চনৰ ২ জুলাই। স্থানো দিল্লীয়েই। ৰেষ্টুৰেন্ট খনৰ পৰা বেলেগ ধৰণৰ গোন্ধ ওলাইছিল। পেট্ৰলিংত থকা পুলিছে বিছাৰি গৈ পালে যে মহিলাৰ এগৰাকীৰ দেহৰ অংগৰ ‘তন্দুৰী’ৰ দৰে পুৰি থকা হৈছিল।
সেই মহিলাগৰাকী কোন আছিল জানেনে?
সেই সময়ৰ এটা ৰাজনৈতিক দলৰ যুৱনেতা “সুনীল শৰ্মা” ৰ পত্নীৰ মাংসৰ টুকুৰা আছিল সেয়া। পৰপুৰুষৰ সৈতে অবৈধ সম্পৰ্ক থকাৰ সন্দেহত শৰ্মাই গুলিয়াই হত্যা কৰিছিল পত্নীক। তাৰ পিছত তেওঁৰ বন্ধুৰ ৰেষ্টুৰেন্টত পত্নীৰ দেহৰ টুকুৰাবোৰৰ তন্দুৰী বনাই খোৱাৰ যো-জা। এই ঘটনাৰ বিচাৰ চলিল। হত্যাকাণ্ডটোৰ বাবে ফাঁচিৰ হুকুম হৈছিল যদিও উচ্চতম ন্যায়ালয়ে যাৱজ্জীৱন কাৰাদণ্ডৰ নিৰ্দেশ দিয়ে।
এই case টোকেই ভাৰতৰ কুখ্যাত ‘তন্দুৰী কেছ’ বুলি অভিহিত কৰা হয়।
আকৌ সেই একেই স্থান দিল্লী। ‘প্ৰীতি শৰ্মা’ য়ে নিজৰ live-in partner ‘ফিৰোজ’ ৰ ডিঙি কাটি হত্যা কৰে।
২০২২ তেই দিল্লীতেই পুনৰাবৃত্তি হ’ল নৃশংস হত্যাকাণ্ডৰ ঘটনা। বৰ্তমান Trending ত থকা নৃশংস ঘটনাটোত প্ৰেয়সীক ৩৫ টা টুকুৰা কৰিছে প্ৰেমিকে। কিমান উত্ৰাৱল হ’লে এনেকুৱা ভয়ংকৰ বিভৎস কাম কৰিব পাৰে!
শ্ৰদ্ধাৰ হত্যাকাৰী ‘আফতাব পুনাৱালা’ৰ মৃত্যুদণ্ড হ’বনে? নে “সুনীল শৰ্মা” ৰ দৰে হ’ব! সেই বিষয়টোক লৈয়ো সামাজিক মাধ্যমত বহুতেই প্ৰশ্ন কৰিছে। এনেকুৱা হাজাৰটা ঘটনা আদালতৰ ফাইলত বন্দী হৈ আছে।
1995 ৰ পৰা 2022 লৈ সলনি হৈছে নে আমাৰ সমাজ? একাংশ বিশ্লেষকে কৈছে নাই, একো সলনিয়েই হোৱা নাই। এই সকলো ঘটনাৰ এটাই common point আছে বুলি দাবী কৰিছে নেটিজেনে। নেটিজেনৰ মত,’প্ৰেমৰ নামত অভিনয়’।
দেশত পঞ্জীকৰণ হোৱা বিবাহসমূহৰ ভিতৰত হিংসাৰ কেছৰ হাৰেই ৩৪%। বিবাহিত প্ৰত্যেক ১০০ গৰাকী মহিলাৰ ৩৪ গৰাকীয়ে বিয়াৰ পিছত শাৰিৰীক মানসিক নিৰ্যাতনৰ সন্মুখীন হয়। বাকী Registrar নোহোৱা কেছৰ হিচাপ নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
