নখ কামোৰাৰ অভ্যাস বহু লোকৰেই আছে৷ কেতিয়াবা অৱসৰত, কেতিয়াবা প্ৰবল দুশ্চিন্তাত অজানিতে আঙুলি মুখলৈ যায়৷ কেৱল সৰু শিশুৰেই নহয়, ৰাস্তাইঘাটে, ঘৰত, বাহনত, অফিচত সকলো স্থানতেই এই অভ্যাস বহুজনৰ চকুত পৰে৷ সাধাৰণতে এয়া কেৱল বদভ্যাষেই নহয়, চিকিৎসাবিজ্ঞানৰ ভাষাত ইয়াৰ নাম ডাৰ্মাটোফেজিয়া৷ আৰু এই সাধাৰণ অভ্যাসেই আপোনাৰ শৰীৰৰ স্থায়ী পঙ্গুত্বৰ কাৰণ হৈ থিয় দিব পাৰে৷ কিন্তু কিয়?
এই অভ্যাস এক ধৰণৰ বডি ফোকাছড ৰিপিটেটিভ বিহেভিয়াৰ৷ সহজ কথাত যেতিয়া কোনো মানুহে প্ৰৱল মানসিক চাপ বা উদ্বেগৰ মাজেৰে সময় কটায় তেতিয়া মস্তিষ্কক শান্ত কৰিবলৈ তেওঁ নিজৰ নখ কিংবা আঙুলিৰ চাৰিওপাশৰ ছাল কামুৰিবলৈ আৰম্ভ কৰে৷ চিকিৎসকে ইয়াক এক ধৰণৰ অবচেছিভ কমপালছিভ ডিছঅৰ্ডাৰ বা অচিডিৰ পৰ্যায় বুলি দাবী কৰে৷
কিয় এই অভ্যাস বিপজ্জনক?
তথ্যই কৈছে ক্ৰমাগত নখ আৰু ছাল কামুৰি থাকিলে এসময়ত আঙুলিৰ নেল বেড সম্পূৰ্ণৰূপে নষ্ট হৈ যায়৷ এই নেল বেড হৈছে নখৰ তলৰ সেই নৰম অংশ যিয়ে নখক বঢ়াত সহায় কৰে৷ ই এবাৰ ক্ষতিগ্ৰস্থ হলে নখ আৰু স্বাভাৱিকভাৱে নাবাঢ়ে, বৰং ছালৰ গভীৰলৈ বাঢ়ি অসহ্য যন্ত্ৰণাৰ সৃষ্টি কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
