দেশৰ প্ৰধান বিৰোধী দল কংগ্ৰেছৰ অধ্যক্ষা ছোনিয়া গান্ধী আৰু উপ সভাপতি ৰাহুল গান্ধীলৈ এনফ’ৰ্ছমেন্ট ডাইৰেক্টৰেটে পৰা চমন প্ৰেৰণ কৰিছে৷ নেশ্যনেল হেৰাল্ড গোচৰৰ সন্দৰ্ভত কংগ্ৰেছৰ অন্তৱৰ্তীকালীন সভানেত্ৰী ছোনিয়া গান্ধী আৰু দলৰ সাংসদ ৰাহুল গান্ধীক চমন কৰিছে সঞ্চালকালয়ে।
৮ জুনত কংগ্ৰেছৰ অধ্যক্ষা ছোনিয়া গান্ধীক তেওঁক সোধা-পোছা কৰাৰ বিপৰীতে ২ জুনত ৰাহুল গান্ধীক ইডিৰ কাৰ্যালয়ত হাজিৰ হ’বলৈ সময় দিবলৈ কোৱা হৈছে।
সূত্ৰ অনুসৰি, ৰাহুল গান্ধী বিদেশত আছে আৰু হাজিৰ হোৱাৰ বাবে দ্বিতীয়বাৰৰ বাবে তাৰিখ দাবী কৰিছে। কংগ্ৰেছ নেতা তথা জ্যেষ্ঠ অধিবক্তা অভিষেক মনু সিংভীয়ে কয় যে আমি পলায়ন নকৰো আৰু ইয়াৰ সন্মুখীন হ’ম। তেওঁ লগতে কয় যে ছোনিয়া গান্ধীয়ে নিজেই ইডিৰ কাৰ্যালয়লৈ গৈ সকলো প্ৰশ্নৰ উত্তৰ দিব। সিংভীয়ে আৰু কয় যে ২০১৫ চনত এই গোচৰটো তদন্তকাৰী সংস্থাই বন্ধ কৰিছিল।
লগতে পঢ়ক বিকিনি পিন্ধা কোন এই মডেল? লয়লাস ভংগীমাৰে বৰফত খোজ
গান্ধী পৰিয়ালৰ বিৰুদ্ধে ইডি চমনৰ পিছতে আৰম্ভ হৈছে ৰাজনৈতিক বাক্যবাণ। কংগ্ৰেছৰ নেতাসকলে গোচৰটো ৰাজনীতিকৰণ কৰা অভিযোগ কৰিছে৷ কংগ্ৰেছৰ মুখপাত্ৰ ৰণদীপ সুৰজেৱালাই কয়, ‘‘নেশ্যনেল হেৰাল্ড গোচৰৰ ষড়যন্ত্ৰৰ অংশ হিচাপে ইডিয়ে ছোনিয়া গান্ধী আৰু ৰাহুল গান্ধীলৈ জাননী প্ৰেৰণ কৰিছে। কিন্তু আমি ভয় নকৰো, পলায়ন নকৰো… সাহসেৰে যুঁজিম।’’
ইয়াৰ পূৰ্বে যোৱা ১২ এপ্ৰিলত নেশ্যনেল হেৰাল্ডৰ সৈতে জড়িত ধন সৰবৰাহৰ গোচৰত কংগ্ৰেছ নেতা পৱন বনছালক ইডিৰ সঞ্চালকালয়ে জেৰা কৰিছিল। তেওঁক বিত্তীয় লেনদেনকে ধৰি বহু দিশৰ ওপৰত প্ৰশ্ন সোধা হৈছিল বুলি জানিব পৰা গৈছে।
লগতে পঢ়ক স্কুল ভান চালকৰ পুত্ৰৰ সফলতাৰ কাহিনী! UPSCৰ পৰীক্ষাত উত্তীৰ্ণ হৈ নজিৰ স্থাপন
উল্লেখ্য যে বিজেপি নেতা সুব্ৰমণিয়াম স্বামীয়ে ছোনিয়া গান্ধী, ৰাহুল গান্ধী, প্ৰয়াত নেতা মোতিলাল ভোৰা, সাংবাদিক সুমন ডুবে আৰু টেকন’ক্ৰেট ছেম পিত্ৰোদাৰ বিৰুদ্ধে নেচনেল হেৰাল্ডৰ গোচৰৰ অভিযোগ উত্থাপন কৰিছিল। ইয়ং ইণ্ডিয়া লিমিটেডৰ জৰিয়তে ভুলকৈ অধিগ্ৰহণ কৰা বুলি অভিযোগ উত্থাপন কৰি কংগ্ৰেছৰ নেতাসকলে ২০০০ কোটি টকা পৰ্যন্ত সম্পত্তি জব্দ কৰে বুলিও দাবী কৰা হৈছিল।
ইডিয়ে ২০১৪ চনত এই গোচৰৰ তদন্ত আৰম্ভ কৰিছিল। কংগ্ৰেছে এই বিষয়টো সন্দৰ্ভত কৈ আহিছে যে ইয়ং ইণ্ডিয়া লিমিটেডৰ উদ্দেশ্য লাভ উপাৰ্জন কৰা নহয় বৰঞ্চ ইয়াক দাতব্য কামৰ বাবেহে গঠন কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
