অৱশেষত শিৱসেনাৰ বিদ্ৰোহী নেতা একনাথ সিন্দেই হ’ল মহাৰাষ্ট্ৰৰ নতুন মুখ্যমন্ত্ৰী৷ বহু জল্পনা কল্পনাৰ পিছত ৪০ গৰাকীতকৈ অধিক শিৱসেনাৰ বিসম্বাদী বিধায়কক নিজৰ পক্ষলৈ আনি ইপ্সিত লক্ষ্যত উপণীত হ’ল একনাথ সিন্দে৷
উল্লেখ্য যে মহাৰাষ্ট্ৰ ৰাজ্যপালে সদ্য বিদায়ী মুখ্যমন্ত্ৰী উদ্ধৱ থাকৰেক বিধানসভাৰ মজিয়াত আস্থা ভোটৰ সন্মুখীন হ’বলৈ নিৰ্দেশ দিছিল৷ কিন্তু শিৱসেনাই ৰাজ্যপালৰ এই নিৰ্দেশৰ পিছতে উচ্চতম ন্যায়ালয়ৰ দ্বাৰস্থ হৈ যদিও বুধবাৰে সন্ধিয়া মুখ থেকেচা খায়৷ ইয়াৰ পিছতে সন্ধিয়াই প্ৰাক্তন মুখ্যমন্ত্ৰী উদ্ধৱ থাকৰেই মুখ্যমন্ত্ৰী পদৰ পৰা পদত্যাগ কৰে৷
উদ্ধৱ থাকৰেই মুখ্যমন্ত্ৰীত্ব ত্যাগ কৰাৰ লগে লগে বিজেপিয়ে উল্লাসিত হৈ পৰা দেখা যায়৷ এই বাতৰি বিয়পি পৰাৰ লগে লগেই মহাৰাষ্ট্ৰৰ বিজেপিৰ নেতা তথা প্ৰাক্তন মুখ্যমন্ত্ৰী দেৱেন্দ্ৰ ফাৰনবিছসহ মহাৰাষ্ট্ৰৰ বিজেপি বিধায়কসকলে মিঠাই বিতৰণ কৰাৰ ছবি সামাজিক মাধ্যমত ভাইৰেল হৈ পৰে৷
লগতে পঢ়ক বিধায়কসকলৰ মুখত বিৰিঙিব হাঁহি! ৬৬% দৰমহা বৃদ্ধি পাব বিধায়কৰ
এই ছবিৰ লগতে মহাৰাষ্ট্ৰৰ নতুন মুখ্যমন্ত্ৰী হিচাপে বিজেপি নেতা দেৱেন্দ্ৰ ফাৰনবিছে দায়িত্ব ল’ব বুলিও সংবাদ মাধ্যমত প্ৰচাৰ লাভ কৰিছিল৷ একাংশ সংবাদ মাধ্যমৰ মতে দেৱেন্দ্ৰ ফাৰনবিছ মুখ্যমন্ত্ৰী হোৱাৰ বিপৰীতে একনাথ সিন্দেই উপ মুখ্যমন্ত্ৰীৰ দায়িত্ব ল’ব৷
কিন্তু ইয়াৰ পিছতো মহাৰাষ্ট্ৰৰ ৰাজনীতিৰ উৎকণ্ঠামূলক নাটকৰ যৱনিকা পৰা নাছিল৷ কিন্তু একনাথ সিন্দেক মুখ্যমন্ত্ৰী পদ নিদিলে তেওঁ পুনৰ কংগ্ৰেছ আৰু এনচিপিৰ সহযোগত মুখ্যমন্ত্ৰীত্বৰ দাবীদাৰ হৈ উঠাৰ আশংকাত বিজেপিয়ে একনাথ সিন্দক মুখ্যমন্ত্ৰীত্ব যাচি দিয়া বুলি ধাৰণা কৰা হৈছে৷
ইফালে একনাথ সিন্দৰ নাম মুখ্যমন্ত্ৰীৰূপে ঘোষণা কৰি বিজেপিও উল্লাসিত হৈ উঠা দেখা গৈছে৷ প্ৰাক্তন মুখ্যমন্ত্ৰী তথা বিজেপিৰ নেতা দেৱেন্দ্ৰ ফাৰনবিছে কয় যে জনতাই মহাবিকাশ অঘাৰীক সংখ্যাগৰিষ্ঠতা দিছিল। নিৰ্বাচনৰ পিছত বিজেপি আটাইতকৈ ডাঙৰ পাৰ্টী আছিল। বিজেপি–শিৱসেনাই মিত্ৰজোঁটৰ জৰিয়তে নিৰ্বাচন খেলিছিল, কিন্তু শিৱসেনাই কংগ্ৰেছ আৰু এনচিপিৰ সৈতে মিলি চৰকাৰ গঠন কৰে।
লগতে পঢ়ক ‘পুটিন এগৰাকী নাৰী হোৱা হ’লে এই যুদ্ধ নহ’লহেঁতেন!’ কোন ৰাষ্ট্ৰনেতাই পুটিনক কৰিলে ঠাট্টা?
আনহাতে একনাথ সিন্দেই কয় যে মহাৰাষ্ট্রৰ বিকাশৰ বাবে বিজেপিৰ সৈতে মিত্ৰতা কৰিছে। আমি মহাবিকাশ অঘাড়ী চৰকাৰত কাম কৰাত সমস্যা পাইছিলো। এই সন্দৰ্ভত আমি উদ্ধৱ থাকৰেক বুজাবলৈ চেষ্টা কৰিছিলো। বিজেপিৰ সৈতে আমাৰ নেচাৰেল মিত্ৰজোঁট আছিল। আমি বালাছাহেব থাকৰেৰ ভাৱনাক লৈ আগবঢ়াত চৰকাৰৰ ফালৰ পৰা শেষত হিন্দুত্বক লৈ কিছু সিদ্ধান্ত লোৱা হয়।
সিন্দেই প্ৰধানমন্ত্ৰী মোদী আৰু অমিত শ্বাহক ধন্যবাদ জনাই ফাৰনবিছে মুখ্যমন্ত্ৰী নহয় বুলিও প্ৰকাশ কৰে। সিন্দেই কয় বিজেপিয়ে ডাঙৰ পাৰ্টী হোৱা সত্ত্বেও বহল হৃদয়ৰ পৰিচয় দি মোক মুখ্যমন্ত্ৰী পাতিছে। সিন্দেই দাবী কৰে যে মহাৰাষ্ট্রত আগন্তুক সময়ত এক শক্তিশালী চৰকাৰ দেখিবলৈ পাব।
মহাৰাষ্ট্রৰ ৰাজ্যপাল ভগত সিং কোশ্যাৰীৰ সৈতে সাক্ষাৎকাৰৰ পিছত দেৱেন্দ্ৰ ফাৰনবিছ আৰু একনাথ সিন্দেই সংবাদ মাধ্যমক সম্বোধন কৰে। প্ৰাক্তন মুখ্যমন্ত্ৰী ফাৰনবিছে ঘোষণা কৰে যে একনাথ সিন্দে মহাৰাষ্ট্রৰ নতুন মুখ্যমন্ত্ৰী হিচাপে শপত ল’ব। দেৱেন্দ্ৰ ফাৰনবিছে কয় যে তেওঁ চৰকাৰৰ বাহিৰত থাকিব। আজি সন্ধিয়া ৭.৩০ বজাত কেৱল একনাথ সিন্দেই শপত গ্ৰহণ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
