পাৰ্টীত সাপৰ বিষ ব্যৱহাৰ কৰি শলঠেকত জনপ্ৰিয় ইউটিউবাৰ, আৰক্ষীয়ে কৰিলে গ্ৰেপ্তাৰ
বিগ বছ খ্যাত জনপ্ৰিয় ইউটিউবাৰ এলভিছ যাদৱক আজি ১৭ মাৰ্চ তাৰিখে নয়দা আৰক্ষীয়ে গ্ৰেপ্তাৰ কৰে। এক ৰেভ পাৰ্টীৰ আয়োজন আৰু সেই পাৰ্টীত সাপৰ বিষৰ যোগান ধৰাৰ অপৰাধত গ্ৰেপ্তাৰ কৰে এলভিছক।
নয়দাৰ চেক্টৰ ২০ থানাৰ আৰক্ষীয়ে গ্ৰেপ্তাৰ কৰে জনপ্ৰিয় ইউটিউবাৰগৰাকীক। আৰক্ষীয়ে জানিবলৈ দিয়া অনুসৰি আজি সোধপোচৰ বাবে মতা হৈছিল এলভিছক, সোধপোচৰ শেষত গ্ৰেপ্তাৰ কৰি সুৰজপুৰ ন্যায়ালয়লৈ প্ৰেৰণ কৰে।
উল্লেখ্য যে, ৰেভ পাৰ্টীত সাপৰ বিষ ব্যৱহাৰ কৰা ঘটনা বিগত বৰ্ষৰে। বিগত বৰ্ষৰ ৮ নৱেম্বৰ তাৰিখে আৰক্ষী থানাত এলভিছৰ বিৰুদ্ধে গোচৰ ৰুজু হৈছিল।
আৰক্ষীয়ে এই ঘটনাৰ সৈতে জড়িত থকাৰ অপৰাধত ইতিমধ্যে ৫ জনক আটক কৰিছে। এই ৫ জনৰ পৰা আৰক্ষীয়ে সাপৰ বিষো উদ্ধাৰ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
