পাৰিবাৰিক কন্দল, পুত্ৰৰ হাতত প্ৰাণ গ’ল পিতৃ-মাতৃৰ

পাৰিবাৰিক বিবাদক কেন্দ্ৰ কৰি পুত্ৰই চোকা অ*স্ত্ৰৰে আক্ৰমণ কৰি পিতৃ-মাতৃক হ*ত্যাৰ গুৰুতৰ অভিযোগ উঠিছে। হ*ত্যাকাণ্ড সংঘটিত কৰি অভিযুক্তই মৃ*তদেহ দুটা পৃথক পৃথক কৰি বস্তাত ভৰাই এটা কোঠাত থৈ পলাই যোৱাৰো অভিযোগ উত্থাপিত হৈছে। এই দ্বৈত হত্যাকাণ্ড সংঘটিত হৈছে ছত্তীশগড়ৰ সুৰগুজা জিলাত। জিলাখনৰ ধৌৰপুৰ থানাৰ অন্তৰ্গত সপৰা গাঁৱত সংঘটিত হৈছে এই ঘটনা। মৃ*ত লোক দম্পতীটো ৫৫ বছৰীয়া হীৰাধৰ যাদৱ আৰু তেওঁৰ ৫০ বছৰীয়া পত্নী গুলাৱী যাদৱ। এই নৃ*শংস হ*ত্যাকাণ্ডৰ অভিযুক্ত পুত্ৰ যদু যাদৱক আৰক্ষীয়ে গ্ৰেপ্তাৰ কৰিছে।

কেনেকৈ পোহৰলৈ আহিল হ*ত্যাকাণ্ডটো?
হীৰাধৰ যাদৱ, তেওঁৰ পত্নী গুলাৱী যাদৱ আৰু জ্যেষ্ঠ পুত্ৰ যদু একেলগে গাঁৱৰ তেওঁলোকৰ পুৰণি গৃহত বাস কৰিছিল। আনহাতে, তেওঁলোকৰ কনিষ্ঠ পুত্ৰ মোহন যাদৱে পত্নীৰ সৈতে গাঁৱৰ আন এটা গৃহত বাস কৰে। ১৭ আগষ্টৰ পুৱা মোহনে মাক-দেউতাকৰ ঘৰলৈ গাখীৰ ল’বলৈ যায়। কিন্তু তাত গৈ তেওঁ ঘৰটোৰ দুৱাৰত ভিতৰৰ পৰা তলা লগোৱা দেখা পায়। ভিতৰত মাক-দেউতাক আৰু জ্যেষ্ঠ ভাতৃক নেদেখি তেওঁৰ সন্দেহ হয়। তলা ভাঙি ভিতৰলৈ সোমোৱাৰ পিছত মোহনে এটা কোঠাৰ ভিতৰত তেজেৰে তুমৰলি অৱস্থাত মাক-দেউতাকৰ মৃ*তদেহ দেখা পায়। মৃ*তদেহ দুটা পৃথক বস্তাত বান্ধি থোৱা আছিল। সেই সময়ত জ্যেষ্ঠ ভাতৃ যদুৰ কোনো সন্ধান নাছিল। ইয়াৰ পিছতে মোহনে ঘটনাটোৰ বিষয়ে ধৌৰপুৰ আৰক্ষীক খবৰ দিয়ে। আৰক্ষী ঘটনাস্থলীত উপস্থিত হৈ তদন্ত আৰম্ভ কৰে।

আৰক্ষীৰ জেৰাত অপৰাধ স্বীকাৰ অভিযুক্তৰ
ঘটনাৰ চতুৰ্থ দিনা আৰক্ষীয়ে যদু যাদৱক গ্ৰেপ্তাৰ কৰে। জেৰাৰ সময়ত যদুৱে পিতৃ-মাতৃক হ*ত্যাৰ কথা স্বীকাৰ কৰা বুলি আৰক্ষীয়ে জানিবলৈ দিয়ে। আৰক্ষীৰ মতে, পাৰিবাৰিক বিবাদৰ সময়ত যদুৱে ধান কটা কাঁচিৰে পিতৃ-মাতৃক নিৰ্ম*মভাৱে আ*ক্ৰমণ কৰে। আ*ক্ৰমণৰ ফলত দুয়োৰে মৃত্যু হয়। ইয়াৰ পিছত ঘটনাৰ প্ৰমাণ লুকুৱাবলৈ তেওঁ তে*জৰ দাগ থকা ঠাই গৰুৰ গোবৰেৰে ঢাকি দিয়াৰ চেষ্টা কৰে। পিছত দুয়োৰে মৃ*তদেহ পৃথক বস্তাত ভৰাই এটা কোঠাত থৈ যদু ঘটনাস্থলীৰ পৰা পলাই যায়।

অভিযুক্তক জে’ললৈ প্ৰেৰণ
এই ঘটনাৰ সন্দৰ্ভত আৰক্ষীয়ে আই পি চিৰ ১০৩(১) আৰু ২৩৮ ধাৰাত গোচৰ ৰুজু কৰিছে। শুকুৰবাৰে অভিযুক্ত যদু যাদৱক আদালতত হাজিৰ কৰোৱা হয়। আদালতে অভিযুক্ত যদুক জে’ললৈ প্ৰেৰণ কৰে। এই ঘটনাটাৰ পিছতে সপৰা গাঁৱত তীব্ৰ চাঞ্চল্যৰ সৃষ্টি হৈছে। মাত্ৰ পাৰিবাৰিক বিবাদৰ ফলত পুত্ৰই নিজৰ পিতৃ-মাতৃক হত্যাৰ ঘটনাই অঞ্চলবাসীক হতভম্ব কৰি তুলিছে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ