বিশ্বকাপ ফুটবলৰ দামামা বাজিলেই৷ কিন্তু ২০২৬চনৰ নহয়৷ ফিফাই ঘোষণা কৰিলে ২০৩৪ চনৰ ফুটবল বিশ্বকাপ ক’ত অনুষ্ঠিত হ’ব৷ ছৌদি আৰবত অনুস্থিত হ’ব ফিফা বিশ্বকাপ ২০৩৪৷ ২০৩০ চনৰ বিশ্বকাপ যৌথভাৱে হ’ব মৰক্কো, স্পেন আৰু পৰ্তুগালৰ৷ এই তিনি দেশৰ সৈতে যৌথভাৱে থাকিব উৰুগুৱে, পেৰাগুৱে আৰু আৰ্জেণ্টিনা৷
ফিফা কংগ্ৰেছৰ সভাত বুধবাৰে ভোটৰ পাছত বিশ্বকাপৰ ভেন্যু নিশ্চিত হৈছে৷ ১৯৩০ চনৰ উৰুগুৱেত প্ৰথমবাৰ বিশ্বকাপ আয়োজিত হৈছিল৷ সেই নিৰিখত বিচাৰ কৰিলে ২০৩০ চনত বিশ্বকাপৰ শতবৰ্ষ৷ সেয়ে মৰক্কো, স্পেইন আৰু পৰ্তুগালৰ ওপৰিও দক্ষিণ আমেৰিকাৰ তিনিখন দেশেও মেচ আয়োজন কৰিব৷ ২০৩০ চনৰ বিশ্বকাপ প্ৰকৃততে তিনি মহাদেশৰ ৬খন দেশে আয়োজন কৰিব৷ ইফালে মধ্যপ্ৰাচ্যৰ দ্বিতীয় দেশ হিচাপে বিশ্বকাপ আয়োজন কৰিব ছৌদী আৰবেও৷ ২০২২ চনত কাটাৰত অনুষ্ঠিত হৈছিল বিশ্বকাপ৷ ২০৩৪ চনত মধ্যপ্ৰাচ্যৰতেই আকৌ অনুষ্ঠিত হ’ব বিশ্বকাপ৷
২০২৩ চনত ফিফাই জনাইছিল যে ২০৩৪ৰ বিশ্বকাপ হ’ব এছিয়া বা ওছেনিয়াত৷ ফিফাৰ এই ঘোষণাৰ পাছতেই আগ্ৰহ প্ৰকাশ কৰে অষ্ট্ৰেলিয়াইয়ো৷ ছৌদী আৰৱত বিশ্বকাপ আয়োজনৰ কথা ঘোষণা হোৱাৰ পাছতেই আৰম্ভ হৈছে একাধিক বিতৰ্কৰো৷ মানৱাধিকাৰ লঙ্ঘনৰ বাবে সকলোৰে ওচৰত নিন্দিত ছৌদি আৰৱ৷ কিন্তু এই বিতৰ্ক দূৰলৈ থেলি ছৌদি সাজু হৈছে বিশ্বকাপ আয়োজনৰ বাবে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
