অসম লাইভ২৪ঃ বিবাহ মানেই আজীৱন একেলগে থকাৰ প্ৰতিশ্ৰুতি৷ পৰিস্থিতি যেনেকুৱাই নহওক কিয়, এজনে আনজনৰ হাতত ধৰি জীৱন কটোৱাৰ আশ্বাস৷ এৰা ধৰাৰ মাজেৰে আগবাঢ়ে দুটি সত্বা৷ কিন্তু সকলো সময়তে হাতত হাত ধৰি থকা সম্ভৱনে? একঘেয়ামী জীৱন বহুতৰেই কেতিয়াবা আমনিদায়ক হৈ পৰে৷ তেতিয়াই বহুলোকেই বিবাহ বহিঃৰ্ভূত সম্পৰ্কত সোমাই পৰে৷ সেই বিষয়টোক সমাজে সহজভাৱে গ্ৰহণ নকৰে যদিও বহুলোকেই পৰকীয়াত বান্ধ খাই থাকে৷ বিভিন্ন পৰিস্থিতিত মানুহে পৰকীয়া সম্পৰ্ক গঢ়ে৷ কিন্তু পৰকীয়া প্ৰেমত বান্ধ খোৱাৰ কাৰণ প্ৰত্যেকৰে ভিন্ন হয়৷
মানসিক সুখৰ বাবে পৰকীয়া প্ৰেম
বিবাহিত সম্পৰ্কত বহু মানুহেই সুখী নহয়৷ যাৰবাবে বহুতেই বিবাহৰ পাছতো পত্নীৰ সলনি অন্য ব্যক্তিৰ ওপৰত মানসিকভাৱে নিৰ্ভৰশীল হৈ পৰে৷ ইয়াৰোপৰি ব্যক্তিগত কথাবোৰ ভগাই ল’বলৈ কাষত কোনো নাথাকে, তেতিয়াই ব্যক্তি একোগৰাকী অন্য কোনো ব্যক্তিৰ সন্ধানত নামি পৰে৷ সেই ব্যক্তিৰ সৈতে ব্যক্তিগত কথাবোৰ ভগাই লয়৷ মন বেয়া হ’লেই মানুহজনৰ কাষলৈ ঢপলিয়াই যাবলৈ হেঁপাহ কৰা হয়৷ মানসিক শান্তিৰ বাবেই তেতিয়া মানুহে অন্য লোকৰ সন্ধান কৰে৷
শাৰীৰিক চাহিদা দুৰ কৰিবলৈকো পৰকীয়া প্ৰেমৰ সন্ধান কৰে
আমাৰ সমাজত এনে কিছু মানুহ আছে যিসকলে যৌনসুখৰ বাবে পৰকীয়া প্ৰেমৰ সন্ধান কৰে৷ এই ক্ষেত্ৰত মানসিকভাৱে তৃতীয় কোনো ব্যক্তিৰ সৈতে সম্পৰ্ক গঢ়ি তোলে৷ কেৱল শাৰীৰিক সুখেই এই চাম ব্যক্তিৰ প্ৰধান লক্ষ্য৷
অনলাইনত পৰকীয়া প্ৰেম
অনেক লোকেই অনলাইনত বন্ধু পাতি ভালপায়৷ বিবাহৰ পাছতো বহুতেই ফেছবুক নতুবা অন্যান্য সামাজিক প্লেটফৰ্মত সংগী বিচাৰে৷ যৌনবাৰ্তাও আদান প্ৰদান কৰে৷ এই ক্ষেত্ৰত বহুতেই ডেটিং এপৰো সহায় লয়৷
প্ৰতিশোধ ল’বলৈকো পৰকীয়া প্ৰেমত পৰে
সম্পৰ্কত থাকোতে স্বামী কিম্বা স্ত্ৰী পৰকীয়া প্ৰেমত পৰে৷ বহুতেই প্ৰতিশোধ ল’বলৈকো পৰকীয়া প্ৰেমত সোমাই পৰে৷
সুবিধাবাদী লোকেও এনে সম্পৰ্ক গঢ়ে
কোনো ব্যক্তিয়ে এনে পৰকীয়াত সোমাই পৰে৷ প্ৰেম নহয়, কেৱল সুবিধাৰ বাবেই এই সম্পৰ্কত সোমাই পৰে৷ এনে মানুহ বাৰে বাৰে নহয় বহুবাৰ পৰকীয়া সম্পৰ্কত সোমাই পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
