৬৬ বছৰ বয়সত জীৱনৰ তৃতীয় ইংনিছ আৰম্ভ কৰিবলৈ সাজু হৈছে ভাৰতৰ এগৰাকী প্ৰাক্তন ক্ৰিকেটাৰে৷ অৰ্থাৎ দ্বিতীয় বিবাহ কৰিবলৈ সাজু হৈছে ভাৰতীয় প্ৰাক্তন ক্ৰিকেটাৰ এগৰাকীয়ে৷
দ্বিতীয় বিবাহৰ বাবে সাজু প্ৰাক্তন ক্ৰিকেটাৰগৰাকী হৈছে অৰুণ লাল৷ অৰুণ লাল এসময়ৰ ভাৰতীয় ক্ৰিকেট দলৰ অ’পেনাৰ বেটছমেন আছিল৷
অহা ২ মে’ত সম্পন্ন হ’বলগীয়া অৰুণ লালৰ কইনাগৰাকীৰ নাম হৈছে বুলবুল সাহা৷ বুলবুল সাহাৰ বয়স হৈছে ৩৮ বছৰ৷ অৰ্থাৎ বুলবুল সাহা অৰুণ লালতকৈ প্ৰায় ২৮ বছৰ সৰু৷
লগতে পঢ়ক প্ৰধানমন্ত্ৰীৰ বিৰুদ্ধে আপত্তিজনক টুইট : দলিত বিধায়ক জিগনেশ মেৱানীৰ জামিন লাভ
ইতিমধ্যে অৰুণ লাল আৰু বুলবুল সাহাৰ বিয়াৰ সকলো প্ৰস্তুতি প্ৰায় সম্পূৰ্ণ কৰি তোলা হৈছে৷ অতিথিসকলকো নিমন্ত্ৰণ কৰা হৈছে৷ বিবাহ অনুষ্ঠানত প্ৰাক্তন ভাৰতীয় দলৰ অধিনায়ক তথা বিচিচিআইৰ অধ্যক্ষ সৌৰভ গাংগুলীসহ বংগ ক্ৰিকেট দলৰ খেলুৱৈসকলৰ লগতে কৰ্মকৰ্তাসকল উপস্থিত থাকিব৷ উল্লেখ্য অৰুণ লাল বৰ্তমান বংগ ৰঞ্জী ক্ৰিকেট দলৰ মুখ্য প্ৰশিক্ষক৷
ইফালে সংবাদ মাধ্যমৰ বাতৰি অনুসৰি অৰুণ লাল আৰু বুলবুল সাহাৰ বাগদান এমাহৰ পূৰ্বেই সম্পন্ন হৈ গৈছে৷ আনহাতে, অৰুণ লালৰ প্ৰথমা পত্নী ৰীণা এতিয়াও জীৱিত৷ ইতিমধ্যে অৰুণ লালে প্ৰথমা পত্নীৰে বুজাবুজিৰে বিবাহ বিচ্ছেদ কৰিছে৷ অৱশ্যে ৰীণা এতিয়া অসুস্থ বুলি জানিব পৰা গৈছে৷ প্ৰকাশিত খবৰ মতে বিয়াৰ পিছত বুলবুলে ৰীণাৰ যত্ন ল’ব৷
লগতে পঢ়ক কোটি কোটি অনুৰাগীৰ বুকুত আঘাত! বাগদান সম্পন্ন হ’ল চেলেনা গুমেজৰ!
উল্লেখযোগ্য যে অৰুণ লালে ১৯৮২ৰ পৰা ১৯৮৯ চনলৈ ভাৰতীয় দলৰ হৈ ১৬খন টেষ্ট আৰু ১৬খন এদিনীয়া আন্তঃৰাষ্ট্ৰীয় খেলত অংশ লৈছিল।
২০০১ চনত ঘৰুৱা ক্ৰিকেটৰ পৰা অৱসৰ গ্ৰহণ কৰা অৰুণ লালে ২০১৬ চনত হনুৰ কৰ্কট ৰোগত আক্ৰান্ত হৈছিল। অৱসৰ গ্ৰহণ কৰাৰ পিছতে তেওঁ ধাৰাভাষ্যকাৰৰ পেচা গ্ৰহণ কৰে৷
মাৰাত্মক কেন্সাৰৰ পৰা সুস্থ হৈ উঠি অৰুণ লালে প্ৰশিক্ষণৰ কেৰিয়াৰ আৰম্ভ কৰে। তেওঁৰ প্ৰশিক্ষণতে বংগ ক্ৰিকেট দলে ৰঞ্জী ক্ৰিকেট প্ৰতিযোগিতাৰ ফাইনেলত প্ৰৱেশ কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
