বৰ্তমান যুৱকসকলৰ বাবে পত্নী চিৰন্তন চিন্তা আৰু অশান্তিৰ কাৰক হৈ পৰিছে৷ কেৰেলা উচ্চ ন্যায়ালয়ে এক বিবাহ বিচ্ছেদৰ আবেদন খাৰিজ কৰি এইদৰে মন্তব্য কৰিছে৷
কেৰালা উচ্চ ন্যায়ালয়ে লগতে কয় যে আনন্দময় আৰু মুক্ত জীৱন যাপন কটাবলৈ গৈ নতুন প্ৰজন্মই বিবাহক এক অমংগলীয়া তথা অশান্তিকৰ প্ৰথা বুলি বিশ্বাস কৰিবলৈ ধৰিছে৷ সেয়ে বৰ্তমান লিভ-ইন সম্পৰ্ক বৃদ্ধি পাবলৈ ধৰিছে যিটো সমাজৰ বাবে চিন্তা কাৰক হৈ পৰিছে৷
যোৱা ২৪ আগষ্টত ন্যায়াধীশ এ মহম্মদ মুস্তাক আৰু ছফী থমাছৰ এক খণ্ড বিচাৰপীঠে ৫১ বছৰীয়া এজন ব্যক্তিৰ বিবাহ বিচ্ছেদৰ আবেদন নাকচ কৰি পত্নীক উপভোগ্য সামগ্ৰীৰ দৰে গ্ৰহণ কৰা সংস্কৃতিক তীব্ৰ গৰিহণা দিয়ে৷
লগতে পঢ়ক আৰক্ষী প্ৰশিক্ষণ মহাবিদ্যালয়ত উপস্থিত স্বৰ্ণকন্যা তথা ডি এছ পি হিমা দাস
৫১ বছৰীয়া লোকজনৰ ২০১৭ চনৰ পৰাই এগৰাকী মহিলাৰ সৈতে বিবাহ বৰ্হিভূত প্ৰেমৰ সম্পৰ্ক আছে বুলি কৈ ৩৮ বছৰীয়া পত্নীৰে বিবাহ বিচ্ছেদৰ আবেদন কৰে৷ আনহাতে পত্নীয়ে তেওঁলোকৰ তিনিগৰাকী কন্যা সন্তানৰ কথা ভাবি বিবাহ বিচ্ছেদৰ বাবে সন্মতি প্ৰদান কৰা নাই৷
প্ৰকাশ পোৱা মতে কেৰালাৰ আলাপ্পুজা জিলাৰ এই দম্পতীহালে একদশৰো অধিক সময় চৌদি আৰৱত বসতি স্থাপন কৰি ২০০৯ চনত বিবাহপাশত আৱদ্ধ হৈছিল৷ ইয়াৰ পাছতে ২০১৭ চনত স্বামীগৰাকীয়ে বিবাহ বৰ্হিভূত প্ৰেমৰ সম্পৰ্কলৈ অহাৰ পাছতে ২০১৮ চনত বিবাহ বিচ্ছেদৰ বাবে পাৰিবাৰিক আদালতত আবেদন কৰে৷
কিন্তু স্বামীগৰাকীৰ মাতৃয়ে পুত্ৰৰ বিপৰীতে বোৱাৰীয়েকৰ পক্ষ লোৱাত পাৰিবাৰিক আদালতত এই আবেদন মীমাংসা কৰিব পৰা নগ’ল৷ ইয়াৰ পাছতে লোকজনে কেৰালা উচ্চ ন্যায়ালয়ত বিবাহ বিচ্ছেদৰ আবেদন দাখিল কৰে৷ উচ্চ ন্যায়ালয়ে আবেদনৰ শুনানি গ্ৰহণ কৰি কয় যে খ্ৰীষ্টান বিবাহৰ ক্ষেত্ৰত প্ৰযোজ্য বিবাহ বিচ্ছেদ আইন ১৮৬৯ৰ অধীনত স্বামীগৰাকীয়ে পত্নীয়ে কোনো ধৰণৰ নিষ্ঠুৰ ব্যৱহাৰৰ তথ্য প্ৰমাণ দাখিল কৰিব পৰা নাই।
লগতে পঢ়ক আৰক্ষী প্ৰশিক্ষণ মহাবিদ্যালয়ত উপস্থিত স্বৰ্ণকন্যা তথা ডি এছ পি হিমা দাস
কেৰালা উচ্চ ন্যায়ালয়ৰ ন্যায়াধীশ ছফী থমাছৰ বিচাৰপীঠৰ আদেশত গডছ অ’ন কান্ট্ৰী নামেৰে পৰিচিত কেৰালা এসময়ত নিজৰ সুসংগত পাৰিবাৰিক বন্ধনৰ বাবে বিখ্যাত আছিল বুলিও কোৱা হৈছে৷ ইয়াত লগতে কোৱা হৈছে যে পত্নীক উপভোগ্য গ্ৰাহক হিচাপে ব্যৱহাৰ কৰা সংস্কৃতিয়ে আমাৰ বৈবাহিক সম্পৰ্ককো প্ৰভাৱিত কৰা যেন লাগে। ইয়াৰ বাবেই লাইভ-ইন-ৰিলেচন বৃদ্ধি পাইছে৷
আদালতে কয় যে ‘আজিকালি নৱ প্ৰজন্মই বিবাহক এটা অশান্তিৰ বাহক বুলি ভাবে, দায়বদ্ধতা বা বাধ্যবাধকতামুক্ত জীৱন উপভোগ কৰিবলৈ ইয়াক এৰাই চলিব বিচাৰে। উচ্চ ন্যায়ালয়ে লগতে আদেশটোত কয় যে, ‘বিক্ষিপ্ত আৰু বিধ্বস্ত পৰিয়ালসমূহৰ এই আন্দোলনে সমগ্ৰ সমাজৰ বিবেকক জোকাৰি যাব।
ন্যায়াধীশ থমাছৰ আদেশত পুনৰ কোৱা হৈছে যে, ‘যেতিয়া যুদ্ধংদেহী দম্পতী, পৰিত্যক্ত শিশু আৰু হতাশগ্ৰস্ত বিবাহ বিচ্ছেদ হোৱা লোকে আমাৰ জনসংখ্যাৰ সৰহসংখ্যক লোকক দখল কৰে, তেতিয়া ই নিঃসন্দেহে আমাৰ সামাজিক জীৱনৰ শান্তিত বিৰূপ প্ৰভাৱ পেলাব, আৰু আমাৰ সমাজৰ উন্নয়নত বিৰূপ প্ৰভাৱ পেলাব।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
