বিশ্বৰ শক্তিশালী মহিলাৰ তালিকাত নাম ৩ গৰাকী ভাৰতীয়, তালিকাত স্থান বিত্তমন্ত্ৰীৰো
বিখ্যাত আলোচনী ফৰ্বছে প্ৰকাশ কৰিছে বিশ্বৰ ১০০ গৰাকী শক্তিশালী মহিলাৰ তালিকা। এই তালিকাত ৩ গৰাকী ভাৰতীয় মহিলাৰ নামো অন্তৰ্ভুক্ত কৰা হৈছে, য’ত বিত্তমন্ত্ৰী নিৰ্মলা সীতাৰমণৰ নাম শীৰ্ষত আছে।
একেৰাহে তৃতীয়বাৰৰ বাবে ফৰ্বছৰ তালিকাত স্থান লাভ কৰিবলৈ সক্ষম হৈছে বিত্তমন্ত্ৰীগৰাকী। ফৰ্বছে তেওঁক শীৰ্ষ ১০০ ৰ ভিতৰত ২৮ নম্বৰত স্থান দিছে। আনহাতে ২০২২ চনত তেওঁ ৩৬ নম্বৰ আৰু ২০২৩ চনত ৩২ নম্বৰ স্থান লাভ কৰিছিল।
এই তালিকাৰ দ্বিতীয় নাম হ’ল এইচ চি এলৰ অধ্যক্ষ ৰোশনী নাদাৰ মালহোত্ৰাৰ। ১০০ গৰাকী শক্তিশালী মহিলাৰ তালিকাত ৮১ নম্বৰ স্থানত আছে ৰোশনী। আনহাতে বয়কনৰ প্ৰতিষ্ঠাপক কিৰণ মজুমদাৰ শ্ব’ ৮২ নম্বৰ স্থান লাভ কৰি দেশৰ তৃতীয় শক্তিশালী মহিলা।
২০১৯ চনত বিত্তমন্ত্ৰী নিৰ্মলা সীতাৰমণ কেবিনেট মন্ত্ৰী হৈছিল। ইয়াৰ পূৰ্বে ২০১৭-২০১৯ চনলৈকে দেশৰ প্ৰতিৰক্ষা মন্ত্ৰী হিচাপে কাৰ্যনিৰ্বাহ কৰিছিল, ইয়াৰ সৈতে তেওঁ দেশৰ ভিতৰতে দ্বিতীয়গৰাকী মহিলা হিচাপে প্ৰতিৰক্ষা মন্ত্ৰালয়ৰ দায়িত্ব গ্ৰহণ কৰিছিল। বিত্তমন্ত্ৰী নিৰ্মলা সীতাৰমনৰ নেতৃত্বত ভাৰত আজি ৪ ট্ৰিলিয়ন ডলাৰেৰে বিশ্বৰ ৫ম বৃহত্তম অৰ্থনীতি।
এইচ চি এল কোম্পানীটোৰ ৪৩ বছৰীয়া স্বত্বাধিকাৰী ৰোশনী নাদাৰ মালহোত্ৰাৰ নাম ফৰ্বছৰ তালিকাত ৮১ নম্বৰত। আপোনালোকক কওঁ যে এইচ চি এল দেশৰ বিখ্যাত টেক কোম্পানী সমূহৰ ভিতৰত গণ্য কৰা হয়। ৰোশনী হৈছে দেশৰ প্ৰথমগৰাকী মহিলা যিয়ে টেক কোম্পানী এটাৰ নেতৃত্ব দিছে।
ৰোশনী এইচ চি এল টেক আৰু এইচ চি এল কৰ্পৰেশ্যনৰ স্বত্বাধিকাৰী। ৰোশনীৰ পিতৃ শিৱ নাদৰে ১৯৭৬ চনত কোম্পানীটোৰ ভেটি স্থাপন কৰিছিল। ৰোশনীয়ে পিতৃৰ উত্তৰাধিকাৰ ১২ বিলিয়ন ডলাৰলৈ বৃদ্ধি কৰিছে। ২০২০ চনত এইচ চি এলৰ দায়িত্ব লৈছিল ৰোশনীয়ে। ফাইনেন্সিয়েল এক্সপ্ৰেছৰ প্ৰতিবেদন অনুসৰি ৰোশনীৰ সম্পত্তিৰ পৰিমাণ ৮৪ হাজাৰ কোটি টকা।
ফৰ্বছ ২০২৪ৰ তালিকাত কিৰণ মজুমদাৰ শ্ব’ৰ স্থান ৮২ নম্বৰ। ১৯৭৮ চনত কিৰণে বয়কনৰ ভেটি স্থাপন কৰিছিল, তেওঁৰ কোম্পানীয়ে আমেৰিকাৰ বজাৰত প্ৰৱেশ কৰে আৰু ২০২২ চনত বয়কন বায়’লজিক্সে আমেৰিকাৰ ঔষধ নিৰ্মাতা কোম্পানীটোৰ বায়’চিমিলাৰ ব্যৱসায় ৩.৩ বিলিয়ন ডলাৰত ক্ৰয় কৰে।
পাছে কোনে লাভ কৰিছে পৃথিৱীৰ আটাইতকৈ শক্তিশালী মহিলাৰ স্থান ! তেখেত হৈছে উৰ্চুলা ভন ডেৰ লেয়েনৰ নাম। বেলজিয়ামৰ বাসিন্দা উৰ্চুলা ইউৰোপৰ এগৰাকী সুপৰিচিত ৰাজনৈতিক ব্যক্তিত্ব। ২০২৪ চনৰ জুলাই মাহত তেওঁ দ্বিতীয়বাৰৰ বাবে ইউৰোপীয় আয়োগৰ অধ্যক্ষ নিৰ্বাচিত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
