বৃক্ক আমাৰ শৰীৰৰ অন্যতম গুৰুত্বপূৰ্ণ অংগ। বৃক্কই আমাৰ শৰীৰৰ তেজ পৰিষ্কাৰ কৰাৰ লগতে শৰীৰৰ পৰা বিষাক্ত পদাৰ্থ আৰু অতিৰিক্ত পানী আঁতৰ কৰে। লগতে ই ৰক্তচাপ নিয়ন্ত্ৰণ কৰে আৰু ভিটামিন ডি সক্ৰিয় কৰাৰ দৰে বিভিন্ন গুৰুত্বপূৰ্ণ কাম কৰে। কিন্তু আজিকালি পৰিৱৰ্তিত জীৱনশৈলী, বেয়া খাদ্যভাস, পানীৰ অভাৱ বা বিভিন্ন কাৰণৰ প্ৰভাৱ বৃক্কত পৰে। ইয়াৰ ফলত বৃক্ক সংক্ৰমণ , বৃক্ক বিকল আদিৰ দৰে গুৰুতৰ ৰোগ হ’ব পাৰে।
চিকিৎসকে কিছুমান শাৰীৰিক লক্ষণৰ কথা উল্লেখ কৰিছে যিয়ে আপোনাৰ বৃক্কৰ অৱস্থা আগতীয়াকৈ বুজিবলৈ সহায় কৰিব পাৰে। নিশ্চিত হওক যে আপোনাৰ ৰক্তচাপ নিয়ন্ত্ৰণত আছে। যদি আপোনাৰ ৰক্তচাপ হঠাতে বাঢ়ি যায় বা সঘনাই উঠা-নমা হয় তেন্তে বৃক্কৰ স্বাস্থ্য পৰীক্ষা কৰাটো অতি প্ৰয়োজনীয়।
কিছু সময় বহি থকাৰ পিছত ভৰি দুখন ফুলিলে বা ৰঙা পৰিলে সাৱধান হওক। এইটো বৃক্ক বিকল হোৱাৰ আগতীয়া লক্ষণ। যদি প্ৰস্ৰাৱত বেছি ফেন থাকে তেন্তে বৃক্কৰ ক্ষতি হোৱাৰ ইংগিত পোৱা যায়। গতিকে সাৱধান হওক।
ইয়াৰোপৰি শুই থকাৰ সময়ত ৰাতি প্ৰস্ৰাৱ কৰিবলৈ সঘনাই হেঁপাহ থাকে তেন্তে লগে লগে চিকিৎসকৰ লগত যোগাযোগ কৰিব লাগে। আপোনাৰ প্ৰস্ৰাৱৰ ৰঙৰ ওপৰত চকু ৰাখিব। যদি আপুনি দেখিছে যে আপোনাৰ প্ৰস্ৰাৱ হালধীয়া বা ৰঙাৰ দৰে হৈছে, তেন্তে সেয়া চিন্তাৰ বিষয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
