প্ৰতি মাহৰ নিৰ্দিষ্ট দিনত মহিলাসকলে কিছু পৰিৱৰ্তন অনুভৱ কৰে। তেতিয়াই তেওঁলোকৰ মাহেকীয়া আৰম্ভ হয়। কেতিয়াবা পেটৰ বিষ, কেতিয়াবা খিংখিঙীয়া অনুভৱ কৰা। দৰাচলতে ঋতুস্ৰাৱৰ সময়ত মহিলাৰ মেজাজ যথেষ্ঠ সলনি হয়, যেনে হঠাতে খং উঠা, চকুলো বা অস্থিৰতা অনুভৱ কৰা। এইবোৰক ‘মুড ছুইং’ বুলি কোৱা হয় ৷ সাধাৰণতে এইটো ঋতুস্ৰাৱৰ পূৰ্বে হোৱা লক্ষণ বা ঋতুস্ৰাৱৰ পূৰ্বে হোৱা চিনড্ৰম (PMS)ৰ অংশ।
মেজাজৰ পৰিৱৰ্তন কিয় হয়?
মাহেকীয়াৰ আগতে আৰু মাহেকীয়াৰ সময়ত মেজাজৰ পৰিৱৰ্তনৰ মূল কাৰণ উল্লেখ কৰা হ’ল…
- শৰীৰৰ ভাগৰ আৰু বিষ
- প্ৰজেষ্টেৰন হৰম’নৰ পৰিৱৰ্তন
- চেৰ’টনিন হ্ৰাসৰ প্ৰভাৱ
- ইষ্ট্ৰজেন হৰম’ন হ্ৰাস
- পিএমএছ বা পিএমডিডি
- ষ্ট্ৰেছ হৰম’ন (Cortisol) বৃদ্ধি
- ৰক্ত শৰ্কৰাৰ তাৰতম্য
- টোপনিৰ অভাৱ
- থাইৰয়ড বা অন্যান্য স্বাস্থ্যজনিত সমস্যা
মেজাজৰ সৈতে মোকাবিলা কৰাৰ বাবে টিপছ –
- নিয়মিতভাৱে ব্যায়াম কৰক: এৰোবিক ব্যায়াম বা যোগাসন কৰক। ই এণ্ড’ৰ্ফিন হৰম’ন নিৰ্গত কৰে, যিয়ে আপোনাক ভাল মেজাজত ৰাখে।
- স্বাস্থ্যসন্মত খাদ্যাভ্যাসঃ প্ৰচেছড খাদ্য, অতিৰিক্ত নিমখ আৰু চেনি পৰিহাৰ কৰক। ফলমূল, শাক-পাচলি আৰু গোটা শস্য বেছিকৈ খাব লাগে।
- কেফেইন আৰু মদ্যপান কম কৰক: মাহেকীয়াৰ আগতে চাহ, কফি, মদ্যপান সীমিত কৰক, কিয়নো এইবোৰে উদ্বেগ বৃদ্ধি কৰিব পাৰে।
- পৰ্যাপ্ত টোপনিঃ প্ৰতি নিশা ৭-৮ ঘণ্টা নিৰৱচ্ছিন্নভাৱে টোপনি যাব লাগে।
- পানী খোৱাঃ পৰ্যাপ্ত পৰিমাণৰ পানী খাই শৰীৰক হাইড্ৰেটেড কৰি ৰাখক।
- মানসিক চাপ ব্যৱস্থাপনা: ধ্যান, গভীৰ উশাহ-নিশাহৰ ব্যায়াম বা প্ৰিয় চখৰ জৰিয়তে মানসিক চাপ কমাব লাগে।
- ভিটামিন পৰিপূৰক: চিকিৎসকৰ পৰামৰ্শ লোৱাৰ পিছত ভিটামিন বি ৬, মেগনেছিয়াম, বা কেলচিয়ামৰ পৰিপূৰক গ্ৰহণ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
