ভাৰতীয় ৰিজাৰ্ভ বেংক আৰ বি আইয়ে এই বছৰ ৰেপো ৰেট মুঠ ১ শতাংশ কমাইছে৷ এই হ্ৰাস ফেব্ৰুৱাৰী, এপ্ৰিল আৰু তাৰপিছতেই জুন মাহত অৰ্থাৎ মুঠ তিনিবাৰ কৰা হৈছে৷ ৰেপো ৰেট কমোৱাৰ পাছতেই দেশৰ সমস্ত বেংক এফ ডিৰ সুদৰ হাৰ কমাইছে৷ পোষ্ট অফিচত সঞ্চয় প্ৰকল্পৰ সুদৰ হাৰ অৱশ্যে কমোৱা হোৱা নাই৷ এই প্ৰতিবেদনত পোষ্ট অফিচত এনে এক প্ৰকল্প সম্পৰ্কে আলোকপাত কৰা হৈছে৷ আপুনি যদি ২ লাখ টকা জমা কৰে তেন্তে সুদ হিচাপেই পাব ২৯, ৭৭৬ টকা৷
পোষ্ট অফিচ টাইম ডিপোজিট স্কিম
পোষ্ট অফিচত টি ডি অৰ্থাৎ টাইম ডিপজিট নামৰ এক সঞ্চয় প্ৰকল্প আছে৷ এই প্ৰকল্পটো ঠিক বেংক এফ ডিৰ দৰেই৷ যত বিনিয়োগকাৰীয়ে এক নিৰ্দিষ্ট সময়ত নিৰ্দিষ্ট সুদ লাভ কৰে৷ পোষ্ট অফিচৰ টি ডি স্কিমত ৬.৯ শতাংশৰ পৰা ৭.৫শতাংশ পৰ্যন্ত সুদ দিয়া হৈছে৷ পোষ্ট অফিচত তেওঁলোকে গ্ৰাহকক এবছৰত টি ডিত ৬.৯০ শতাংশ, ২ বছৰৰ ম্যাদত ৭.০শতাংশ, ৩ বছৰৰ ম্যাদত ৭.১শতাংশ আৰু ৫ বছৰৰ টি ডিত ৭.৫শতাংশ সুদ দিছে৷
আপুনি যদি পোষ্ট অফিচত ২ বছৰৰ টি ডি স্কিমত ২,০০,০০০ টকা জমা দিয়ে, তেন্তে ম্যাদপূৰ্তিত আপুনি গেৰেণ্টিসহ মুঠ ২,২৯,৭৭৬ টকা পাব৷ সুদৰ বাবদ পাব ২৯,৭৭৬ টকা৷ সমস্ত গ্ৰাহকে পোষ্ট অফিচত একেই ৰিটাৰ্ণ পাব৷ য’ত বেংকসমূহত প্ৰবীণ নাগৰিকক সাধাৰণ নাগৰিকৰ তুলনাত বেছি ৰিটাৰ্ণ দিয়া হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
