প্ৰেমিক-প্ৰেমিকাৰ সম্পৰ্কৰ মাজত কাজিয়া হোৱাটো এক স্বাভাৱিক ঘটনা৷ কিন্তু বহুসময়ত এই কাজিয়াবোৰে ভয়ংকৰ ৰূপ লোৱা দেখা যায়।
এনেকুৱা এটা ঘটনা পোহৰলৈ আহিছে যি ঘটনাত ক্ষুব্ধ হৈ এগৰাকী প্ৰেমিকাই প্ৰথমে খঙত প্ৰেমিকৰ গুপ্তাংগ কাটি শেষত শিৰচ্ছেদ কৰে৷ ইমানেই নহয় প্ৰেমিকাই প্ৰেমিকৰ প্ৰতিটো মুখ্য অংগ কাটি দেহৰ পৰা বিচ্ছিন্ন কৰে৷
লগতে পঢ়ক প্ৰেমিকাৰ দাবীত অতিষ্ঠ হৈ জন্মদিনতে হত্যা কৰিলে প্ৰেমিকে
এই লোমহৰ্ষক ঘটনাটো সংঘটিত হৈছে আমেৰিকা যুক্তৰাষ্ট্ৰৰ ইউচকনচিনত৷ আৰক্ষীৰ উদ্ধৃতিৰে ডেইলী মেইলত প্ৰকাশিত প্ৰতিবেদন অনুসৰি ঘটনাৰ খবৰ পায়ে আৰক্ষীৰ দলে ঘটনাস্থলীত উপস্থিত হয়৷ আৰক্ষীয়ে ঘটনাস্থলীত এক বীভৎস দৃশ্য প্ৰত্যক্ষ কৰে৷
আৰক্ষীয়ে ঘটনাস্থলীত উপস্থিত হৈ প্ৰেমিকগৰাকীৰ শৰীৰৰ প্ৰতিটো অংগকেই বিচ্ছিন্ন অৱস্থাত প্ৰত্যক্ষ কৰে৷ আৰক্ষীয়ে ঘটনাৰ সন্দৰ্ভত গোচৰ ৰুজু কৰি তদন্ত আৰম্ভ কৰে৷ তদন্ত আৰম্ভ কৰাৰ পিছতে সমগ্ৰ ঘটনাটো পোহলৈ আহে৷
লগতে পঢ়ক নিজ কন্যাৰ প্ৰেমিকৰ সৈতে মাতৃৰ গোপন প্ৰেম : পলাই গৈ সম্পন্ন কৰিলে বাগদান
আৰক্ষীয়ে প্ৰকাশ কৰা ঘটনা অনুসৰি অন্তৰংগ মুহূৰ্ত উদযাপন কৰি থকাৰ সময়তে প্ৰেমিকক প্ৰেমিকাই হত্যা কৰে৷ দুয়োৰে মাজত কিবা কথাত কাজিয়াৰ সূত্ৰপাত হয় আৰু প্ৰেমিকাই প্ৰথমে প্ৰেমিকৰ গুপ্তাংগটো কাটি শৰীৰৰ পৰা বিচ্ছিন্ন কৰে৷ ইমানতেই ক্ষান্ত নহৈ ক্ষুব্ধ প্ৰেমিকাই প্ৰেমিকৰ মূৰটো শিৰচ্ছেদ কৰাৰ পিছত ইটোৰ পিছত সিটো অংগ শৰীৰৰ পৰা বিচ্ছিন্ন কৰে৷
প্ৰেমিকাই প্ৰেমিকৰ গুপ্তাংগটো কাটি এটা বাল্টিৰ ভিতৰত ভৰাই থৈছিল যদিও বাকী অংগসমূহ মজিয়াত ছেদেলি ভেদেলি হৈ পৰি আছিল৷
ঘটনাটো যোৱা ২৩ ফেব্ৰুৱাৰিত সংঘটিত হোৱা বুলি আৰক্ষীয়ে প্ৰকাশ কৰিছে৷ ঘটনা সন্দৰ্ভত আৰক্ষীয়ে গোচৰ ৰুজু কৰি প্ৰেমিকাক গ্ৰেপ্তাৰ কৰিছে৷ আৰক্ষীয়ে প্ৰকাশ কৰা অনুসৰি প্ৰেমিকাগৰাকীৰ মানসিক স্থিতি অসন্তুলিত অৱস্থাত আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
